توجہ کے معنی دھیان دینا ،کسی چیز کو مرکز نگاہ بنانا تصوف بالخصوص سلسلہ نقشبندیہ میں استعمال ہونے والی ایک اصطلاح ہےشیخ کا اپنی قوت ارادی اور قلبی طاقت سے طالب کے دل پر اثر ڈال کر اس کی باطنی حالت میں تبدیلی پیدا کر دینا توجہ و تصرف اور ہمت کہلاتا ہے۔ سلوک کی منزلوں میں شیخ ہر سبق کے لئے توجہ کے ذریعے طالب کے لطائف پر فیض القاء کرتا ہے اس کو تصرف یا ہمت بھی کہا جاتا ہے۔

اللہ والوں کی توجہ چار قسم کی ہوتی ہے۔

توجہ انعکاسی

جیسے کسی چیز پر شیشہ پا روشنی کا عکس یایا جاتا ہے یا ایل مجلس کا عطر وغیرہ کی خوشبو پائی جاتی ہے  یہ وقتی اور عارضی ہوتی ہے اس تو جہ کااثر بھی تھوڑی دیر کے لئے ہوتا ہے۔ مرشد اپنے مرید با توجہ کرتا ہے یہ اثر مرشد کے موجودر ہنے تک رہتا ہے ۔

توجہ القائی

اس توجہ کی مثال یوں ہے کہ جیسے کوئی شخص دیئے میں بتی اور تیل ڈال کر لایا تو دوسرے نے آگ لگا کر روشن کر دیا اس توجہ کی تاثیر کچھ طاقت رکھتی ہے اور کچھ دیر اس کا اثر باقی رہتا ہے لیکن جب کوئی پیرونی صدمہ پہنچے مثلا آندھی اور بارش وغیر ہ تو اس کا اثر جاتا رہتا ہے اس لئے یہ توجہ کسی حد تک مفید ضرور ہے۔ لیکن لطائف کی مکمل اصلاح نہیں کرسکتی اس لئے مرید و مجاہدہ کی بھی ضرورت ہوتی ہے۔ اس میں مرشد کے جانے سے بھی اثر زائل نہیں ہوتا مگر گناہ کی نحوست سے اثر زائل ہو جاتا ہے ۔

توجہ اصلاحی

اس میں مرید جب خود بھی ذکر اذکار کا پابند ہو، اس پر مرشد کی توجہ اتنی طاقتور ہوتی ہے کہ مرید کی نافرمانیوں  سے بھی توجہ کا اثر اورلذت ختم نہیں ہوتی بلکہ مستقل جاری رہتی ہے۔ یہ توجہ بہت قوی ہے۔

توجه اتحادی

یہ تو جہ سب سے زیادہ قوی ہوتی ہے اس میں شیخ ، پی پوری ہمت صرف کر کے اپنی روح کے کمالات طالب کی روح میں اتحاد کر دیتا ہے اس طرح کہ دونوں روحیں باہم جذب ہو جاتی ہیں جیسا کہ حضرت باقی باللہ دہلوی نے نانبائی کو توجہ اتحادی دے کر اس کے ظاہر و باطن کو اپنے جیسا بنا دیا تھا جس کو وہ برداشت نہ کر سکا اور اس کا انتقال ہو گیا۔ اس میں مرشد مرید پر زور دار توجہ ڈالتا ہے کہ مرید بالکل مرشد جیسا بن جاتا ہے۔   واقعہ کچھ یوں ہے حضرت باقی باللہ دہلوی کے ہاں چند مہمان آئے مہمان نوازی کے لئے کچھ نہیں تھا۔ نانبائی کو پتہ لگا وہ اپنے گھر سے کھانا لے آیا اور مہمانوں کو پیش کر دیا۔ حضرت بہت خوش ہوئے۔ فرمایا! اب کچھ مانگ لو۔ مرید نے کہا کہ میں آپ جیسا بن جاؤں۔ انہوں نے کہا کہ اور مانگو یعنی اس کے علاوہ کوئی اور چیز مانگو۔ اس نے اسی پر اصرار کیا۔ حضرت اس کو کمرے میں لے گئے اور اس پر اتنی زور دار توجہ ڈالنی شروع کی یہاں تک کہ مرید اور حضرت باقی باللہ کی شکل و شباہت ایک جیسی ہو گئی۔ جب باہر نکلے تو یہ نہیں  پتہ چلتا تھا کہ حضرت باقی باللہ کون سے ہیں اور نانبائی کون ہے۔ صرف اتنا فرق تھا کہ حضرت باقی باللہ ” ہوش میں تھے اور مرید مد ہوش تھے۔ تین دن بعد ان کا انتقال ہو گیا وہ توجہ کو برداشت نہیں کر سکے ۔ اس کو توجہ اتحادی کہتے ہیں۔

توجہ شیخ کا اثر

حضرت سری سقطی رحمتہ اللّٰه علیہ اپنے اِبتدائی ایام میں نماز روزے کی پابندی نہیں کرتے تھے اور جب لوگوں نے حضرت معروف کرخی رحمتہ اللّٰه علیہ کے پاس جا کر ان کی شِکایت کی تو ایک دِن حضرت معروف کرخی رحمتہ اللّٰه علیہ ان کی دُکان پر گئے اور پوچھا کہ:
ہم دیکھتے ہیں کہ آپ نماز نہیں پڑھتے۔
اس پر حضرت سری سقطی رحمتہ اللّٰه علیہ نے کہا کہ:
آپ دیکھتے ہیں کہ یہاں نماز پڑھنے کی کوئی صورت موجود ہے؟ جب کہ بے تحاشہ لوگ ہر وقت سودا سلف لینے میں مجھے مصروف رکھتے ہیں۔ ”
حضرت معروف کرخی رحمتہ اللّٰه علیہ نے فرمایا:
تو پِھر آپ رفع حاجت بھی دُکان کے اندر ہی کرتے ہوں گے۔
جب آپ رحمتہ اللّٰه علیہ نے یہ کہا اور ساتھ ہی ان کے باطن پر اپنی توجہ سے لبریز نِگاہ ڈالی تو حضرت سری سقطی رحمتہ اللّٰه علیہ پر وجد طاری ہو گیا اور اس سے اس قدر متاثر ہوئے کہ ایک دم تمام دُکان لُٹا دی اور اس کے بعد عِبادت میں مصروف ہو گئے۔اہلِ علم جانتے ہیں کہ کچھ عرصہ بعد ہی طریقت میں آپ رحمتہ اللّٰه علیہ نے بہت بڑا مقام پایا۔حضرت جُنید بغدادی رحمتہ اللّٰه علیہ انہی کے بھانجے اور مُرِید تھے۔حضرت سری سقطی رحمتہ اللّٰه علیہ کی ہی محنتوں اور تربیت کا نتیجہ تھا کہ حضرت جُنید بغدادی رحمتہ اللّٰه علیہ کو سیّد الطائفہ جیسا اعلٰی رُتبہ حاصل ہُوا۔
جب کوئی شیخ اپنے مُرِید کی طرف توجہ کرتا ہے تو اس کے باطن پر ایسے اثرات مرتب ہوتے ہیں کہ اگر مُرِید میں اس توجہ کو حاصل کرنے کی صلاحیت موجود ہو تو جس قِسم کی توجہ دی جائے اسی قِسم کے اثرات مُرِید کے باطن پر چھا جاتے ہیں اور جو عمل بھی مُرِید سے کروانا چاہتے ہے اس کا ذوق اس میں پیدا ہو جاتا ہے اور وہ وہ فوراً اس کی طرف رغبت حاصل کرنے لگتا ہے۔

توجہ شیخ دھیان دینا ،کسی چیز کو مرکز نگاہ بنانا  تصوف بالخصوص سلسلہ نقشبندیہ میں استعمال ہونے والی اصطلاح ہے

صوفیائے کرام نے توجہ و تصّرف کی مختلف اقسام بیان فرمائی ہیں جن میں سے تین اقسام زیادہ معروف ہیں۔

توجّہِ انعکاسی

جیسے کسی چیز پر شیشے یا روشنی کا عکس اور پَرتو پڑنا یا اہلِ مجلس کا عطر وغیرہ کی خوشبو پانا انعکاسیِ توجہ کے مشابہ ہے۔ یہ توجہ وقتی اور عارضی ہوتی ہے اس قسم کا اثر بھی تھوڑی دیر کیلئے ہوتا ہے۔ اس لیے یہ توجّہ اگرچہ ضعیف ہوتی ہے لیکن فائدے سے خالی نہیں۔

توجّہِ القائی

اس توجہ کی مثال یوں ہے جیسے کوئی شخص دئیے میں بتّی اور تیل ڈال کر لایا تو دوسرے نے آگ لگا کر روشن کردیا۔ یہ تاثیر کچھ طاقت رکھتی ہے اور کچھ دیر اسکا اثر باقی رہتا ہے لیکن جب کوئی بیرونی صدمہ پہنچے مثلاً آندھی، بارش وغیرہ تو اسکا اثر جاتا رہتا ہے اس لئے یہ توجہ کسی حد تک مفید ضرور ہے لیکن لطائف کی مکمل اصلاح نہیں کرسکتی۔ اس لئے مُرید کو مجاہدہ کی ضرورت ہوتی ہے۔

توجّہِ اتحّادی

یہ توجہ سب سے زیادہ قوی ہوتی ہے اس میں شیخ اپنی پوری ہمت صرف کرکے اپنی رُوح کے کمالات طالب کی روح میں القاء کردیتا ہے اس طرح کہ دونوں روحیں باہم جذب ہوجاتی ہیں جیسے کہ حضرت خواجہ باقی باللہ رحمۃ اللہ علیہ نے ایک نانبائی کو توجّہ اتحادی دے کر اس کےظاہر و باطن کو اپنے جیسا بنا دیا جس کو وہ جبط نہ کرکے وصال پا گیا تفسیرِ عزیزی (سورۃ علق)

اولیائے کرام سے ازالہ گناہ، القائے توبہ، حل مشکلات، سلبِ امراض اور احیائے اموات کیلئے بھی توجہ ڈالنا چابت ہے اور یہ معاملہ ان کی کرامات کے زُمرے میں آتا ہے۔

طریقِ توجہ

شیخ مرید کو سامنے بٹھا کر اپنے قلب کو اسکے قلب پر غالب کرے اور کطرہِ غیر کو اسکے قلب پر آنے سے روک کر جذبہِ قلبی کے ساتھ مُرید کے دل پر اپنی نسبت القاء کرے اور اپنے آپ کو ہر قسم کے خیالات سے خالی کرکے اپنے نفسِ ناطقہ کی طرف اس نسبت میں متوجہ ہوجائے جس کو طالب کے دل میں ڈالنا منظور ہو اور اپنی پوری باطنی ہمّت کے ساتھ یہ تصور کرے کہ میرے دل سے فیوض و انوار طالب یا مرید کے دل میں سرائیت کررہے ہیں اِنْ شآء اللہ طالب کی قابلیت اور استعداد کے مطابق اس کو فیوض و برکات حاصل ہونگے اسی طرح مُرید کے جس لطیفہ میں ذکر جاری کرنا مقصود ہو اپنے اسی لطیفہ کو مُرید کے لطیفہ کے مقابل سمجھ کر ہر قسم کے خیال کو دونوں طرف سے روک کر مُرید کے دل کو اپنے دل کیطرف کھینچے اور اسمِ ذات کی ضرب لگائے تاکہ اس توجہ اور ضرب کے اثر سے مُرید کے اس لطیفہ میں جنبش پیدا ہو کر ذکر جاری ہوجائے اسی طرح دیر تک متوجہ رہے اور روزانہ اس عمل کا تکرار جاری رکھے تاکہ توجہ کی تاثیرات راسخ ہوجائیں اور مُرید کے دل میں حرارت اور نفیِ خائفہ کی کیفیت پیدا ہوجائے اگر مُرید غیر حاضر ہو تو اسکی صورت کا تصور کرکے گائبانہ توجہ بھی دی جاسکتی ہے جیسا کہ بعض مشائخ کا معمول منقول ہے۔

صَرفِ ہمّت کا مطلب یہ ہے کہ دل میں جمیعت اور یکسوئی رہے اور ارادہ مضبوط رہے تاکہ دل میں اس مراد کے سوا کوئی دوسرا خیال نہ آسکے۔

توجّہِ شیخ

شیخ کا اپنی قوتِ ارادی اور قلبی طاقت سے طالب کے دل پر اثر ڈال کر اس کی باطنی حالت میں تبدیلی پیدا کردینا توجہ کہلاتا ہے۔

سلوک کی منزلوں میں شیخ ہر سبق کیلئے توجہ کے ذریعے طالب کے لطائف پر فیض القاء کرتا ہے اس کو تصرّف یا ہمّت بھی کہا جاتا ہے۔

توجّہ کا ثبوت قرآن و حدیث سے

توجہ کے اس مفہوم کی قرآن و حدیث سے تائید ہوتی ہے۔ جیسے کہ حضرت یعقوب علیہ السّلام کی توجہ اولاد کیلئے اصلاحِ احوال کا ذریعہ ثابت ہوئی۔

*ارشادِ باری تعالیٰ ہے:

يَخْلُ لَكُمْ وَجْهُ أَبِيكُمْ وَتَكُونُوا۟ مِنۢ بَعْدِهِۦ قَوْمًۭا صَـٰلِحِينَ [یوسف ۹](ترجمہ: تمہارے باپ کی توجہ تمہاری طرف ہوگی تو اسکے بعد تم صالحین بن جاو گے)

یہاں صالحیّت سے مُراد صلاحیتِ دینیّہ بھی ہے اور دنیویہ بھی (فافہم)

*دوسری جگہ ارشادِ قرآنی ہے:

إِذْ يُوحِى رَبُّكَ إِلَى ٱلْمَلَـٰٓئِكَةِ أَنِّى مَعَكُمْ فَثَبِّتُوا۟ ٱلَّذِينَ ءَامَنُوا۟ [الانفال ۱۲](ترجمہ: یادکرو جب تمہارا ربّ فرشتوں کو حُکم دیتا تھا کہ میں تمہارے ساتھ ہوں پس تم اہل ایمان کو ثابت قدم رکھو یعنی انکی ہمت بڑھاو)

فرشتوں کے ایمان والوں کو ثابت قدم رکھنے اور انکی ہمّت بڑھانے کی یہی صورت ہے کہ ان کے دلوں میں ایسی قوت اور جذبہ القاء کریں کہ وہ کفّار کے مقابلے میں مضبوطی دکھائیں اور ڈٹ کر لڑیں یہ عمل بھی توجہ ہی کہلائے گا۔

*اسی طرح پہلی وحی کے نزول کے وقت جبرئیل امین علیہ السلام کا حضور سرورِ عالم صلی اللہ علیہ وآلہ وسلم کو سینے سے لگا کر دبانا قوّتِ توجّہ اور صرفِ ہمت کا واضح ثبوت ہے جیسا کہ حضور علیہ الصّلوٰۃ و السّلام نے فرمایا:

فَغَطَّنِیْ حَتّیٰ بَلَغَ مِنّیِْ الْجُھْدُ [بخاری ص ۲ ج ۱، مسلم ص ۸۸ ج ۱](ترجمہ: جبرائیل ع نے مجھے یہاں تک دبایا کہ مجھے مشقت پہنچی)

اس حدیث کی شرح میں عارفِ کامل حضرت عبداللہ بن ابی جمرہ رح نے فرمایا:

جَرْمُ الْغَطِّ بِالْمُغَطَ وَضَمُّہ اِلَیْہِ وَھُوَ لِحْدٰی لِطُّرُقِ الْاِفَاضَۃِ یَحْدُثُ بِہ فِی الْبَاطِنِ قُوَّۃُُ نُوْرَانِیَّۃُُ [بہجۃ النفوس](ترجمہ: اس حدیث میں اس امر پر دلیل ہے کہ دبانے والے کا اتصال اس کے جسم سے ہوا جس کو دبایا گیا ہے تو یہ اتصال حصولِ فیض کا ایک طریقہ ہے جس سے باطن میں ایک قوتِ نورانیہ پیدا ہوجاتی ہے)

*اسی طرح احادیثِ مبارکہ میں حضور علیہ السلام کا حضرت سیّدنا عُمر، حضرت علی المُرتضیٰ، حضرت معاذ بن جبل، حضرت ابومحذورہ اور دیگر صحابہ کرام رضی اللہ عنہم کے ہاتھ پکڑ کر، سینے پر ہاتھ رکھ کر،سر سے ناف تک ہاتھ پھیر کر، نظرِ خاص فرما کر، توجہ کے ذریعے احوال و کیفیات بدل دینا تواتر کیساتھ ثابت ہے۔[مستدرک حاکم مسند احمد بن حنبل] اسی طرح اولیاء کرام کی توجہات اور تصرفات سے بیشمار انسانوں کے دلوں اور دماغوں میں انقلاب پیدا ہونا ، توبہ کی توفیق ملنا اور فیضِ ولایت حاصل ہونا بھی تسلسل کیساتھ ثابت ہے جس سے کسی بھی اہلِ عقل و فہم کو انکار نہیں ہوسکتا۔