حق تعالیٰ اپنے ساتھ رکھے اور ایک لحظہ بھی اپنے غیر کے حوالہ نہ کرے۔ ‌اَللَّهُمَّ ‌لَا ‌تكِلْنَا إِلَى أَنفُسَنَا طُرْفَةَ عيْنٍ فَتُهْلِکَ وَلَا اَقَلَّ مِنْهَا فَنَضِيْعَ ياللہ تو ہم کو ایک لحظہ بھی نفسوں کے حوالہ نہ کرے۔ ہم ہلاک ہو جائیں گے۔ ورنہ اس سے کم ہم ضائع ہو جائیں گے

(انسان پر)جو بلا و مصیبت ہے اپنے ساتھ گرفتار ہونے سے ہے جب اپنے آپ سے خلاص ہو گیا تو گویا سوائے ان کی گرفتاری سے آزاد ہوگیا۔ اگر بت پوجتے ہیں تو حقیقت میں اپنے آپ کو پوجتے ہیں کہ أَفَرَأَيْتَ ‌مَنِ ‌اتَّخَذَ إِلَهَهُ هَوَاهُ کیا تو نے نہیں دیکھا اس شخص کو جس نے اپنی خواہش کو خدا بنا لیا ہے۔ 

از خود چو گزشتی ہمہ عیش است و خوشی ترجمہ : تو گزرا آپ سے جب پس یہی  عیش و خوشی ہے ۔

دَعْ نَفْسَکَ وَ تَعَالِ یعنی اپنے نفس کو چھوڑا اور آجا۔ جس طرح کہ از خودگزشتن (محاسبہ)فرض ہے۔ درخور رفتن(میلان) بھی لازم ہے کیونکہ یافت اسی جگہ ہے۔ اپنے باہر میں یافت کچھ نہیں ہوتی ۔ 

باتو درزیر گلیم است آنچہ ہست   ہمچونابینا مبر ہر سوئے دست

ترجمہ : ساتھ تیرے گودڑی میں ہے چھپا ہے جو کچھ کہ ہے مارتا ہے ہر طرف تومثل نابینا کے ہاتھ۔

سیر آفاقی بعد در بعد ہے اورسیرانفسی قرب در قرب ۔ اگر شہودتو اپنے آپ میں ہے اگر معرفت ہے تو وہ بھی اپنے آپ ہی میں اور اگر حیرت ہے تو وہ بھی اپنے آپ ہی میں ہے۔ اپنے با ہر کوئی قدم گاہ نہیں اوہو بات کدھر چلی گئی ایسا نہ ہوئی کوئی سادہ دل اس مقام میں حلول واتحادسمجھ لے اور گمر اہی کے سمندر میں غرق ہو جائے ۔ 

ایں جا حلول کفر بود اتحاد ہم ترجمہ : یہاں کفر ہے اتحاد و حلول

 اس مقام کے ساتھ متحقق ہونے سے پیشتر اس میں تفکر کرنا منع ہے۔ رزقنا الله سبحانه واياکم الإستقامة على الطريقة المرضية على صاجبها الصلوة والسلام والتحية اللہ تعالی ہم اور آپ کو طریقہ پسند ید ہ علی صاحبہا الصلوة والسلام پر استقامت عطا فرمائے۔ 

اپنے احوال کی نسبت لکھتے رہا کریں کہ اس کو بڑا دخل ہے اور با وجودی اور ظاہری 

تعلقات کے آزاد رہیں اور ان کے وجودکو عدم برابرسمجھیں ۔ والسلام و الاکرام۔ 

مکتوبات حضرت مجدد الف ثانی دفتر اول صفحہ344ناشر ادارہ مجددیہ کراچی

سالک کے ایک حال سے دوسرے حال ایک تجلی سے دوسری تجلی ایک مقام سے دوسرے مقام میں منتقل ہونے کا نام سیر ہے

سیر دو قسم پر ہے سیر آفاقی اور سیر انفسی جیسا کے آیت قرآنی ہے

سَنُرِيْهِمْ اٰيٰتِنَا فِي الْاٰفَاقِ وَفِيْٓ اَنْفُسِهِمْ یعنی ہم انہیں دکھاتے ہیں اپنی نشانیاں آفاق و انفس میں

آفاق سے مراد کائنات ہے اور انفس سے مراد اپنی ذات ہے آفاق اور انفس کے درمیان اجمال و تفصیل کا فرق ہے دونوں اللہ تعالی کی نشانیوں کے محل وہ منظر ہیں جن سے حق تعالی کا پتہ چلتا ہے۔

قرب در قرب بعد در بعد 

سلوک سیر انفسی کا نام ہے جسے قرب در قرب کہا گیا ہے اور جذبہ سیر آفاقی کا نام ہے جسے بعد در بعد کہا گیا ہے

  سیر آفاقی اس لئے کہتے ہیں کہ اپنے سے باہر انوار و تجلیات مشاہدہ میں آئیں اور اس میں رنگ برنگ کی بے شمار دلکش اور قسم قسم کی دل آویز صورتیں نظر آتی ہیں۔

سیرا نفسی سے مراد سفر در وطن ہے اس کو جذبہ بھی کہتے ہیں سلسلہ نقشبندیہ کے بزرگوں کی ابتدا اسی سیر سے ہوتی ہے اور سیر آفاقی اسی سیر کے ضمن میں طے ہو جاتی ہے اور دوسرے سلسلے میں سیر آفاقی سے کام کی ابتدا ہوتی ہے اور ان کی انتہا سیر انفسی کے ساتھ ہوتی ہے سیر انفسی سے کام کی ابتدا ہونا سلسلہ نقشبندیہ کی خصوصیت ہے اور اندراج نہایت در بدایت کے یہی معنی ہے کہ سیر انفسی جو کے دوسروں کی نہایت ہے وہ اس سلسلہ کے اکابر کی ہدایت ہے سیرآفاقی مطلوب کو اپنے سے باہر ڈھونڈنا ہے اور سیر انفسی اپنے آپ میں آنااور اپنے دل کے گرد پھر نا ہے

تجلیات اسماء و صفات کا ظہور

سیر آفاقی میں تجلیات اسماء و صفات کا ظہور ہوتا ہے اور سیر انفسی میں تجلیات ذات کا ظہور ہوتا ہے یہی وجہ ہے کہ سیر آفاقی میں اسم ظاہر کے معارف و تجلیات سالک کی تعبیر و ادراک میں سما سکتے ہیں لیکن سیرا نفسی میں اسم باطن کے معارف و تجلیات سے وراء ہوتے ہیں کیونکہ ذات کے معارف و تجلیات بے رنگی و بے کیفی کے سبب سالک کے فہم سے بلند ہوتے ہیں اسی لیے عارفین نے اسم ظاہر کے معارف کے متعلق فرمایا

مَنْ عَرَفَ اللَّهَ ‌طَالَ ‌لِسَانُهُ یعنی جس نے اللہ کو پہچان لیا اس کی زبان دراز ہو گئی۔

اور اسم باطن کہ معارف کے بارے میں فرمایا

مَنْ عَرَفَ اللَّهَ ‌كَلَّ ‌لِسَانُهُ جس نے نے اللہ کی معرفت حاصل کی اس کی زبان گنگ ہوگئی۔