عنایتِ الٰہی و جذبۂ باطن قلبی کیفیات ، باطنی برکات فیض کہلاتا ہے ، اس حالت کو جس سے دل میں مثبت تبدیلی آنی شروع ہو جائے اور کسی شخص کا سفر اندھیروں سے روشنی کی طرف، جہالت سے علم کی طرف، نامحرمی سے معرفت کی طرف اور بے عملی سے عملِ صالح کی طرف شروع ہو جائے، تو اسے ‘فیض’ کہا جاتا ہے۔

فیض اقدس و فیض مقدس

 فیض کی دو قسمیں

سالک کو ذاتِ حقّ تعالیٰ (مَبدا فیض) سے جو فیض پہنچتا ہے اس کی دو قسمیں ہیں

۔ فیضِ تخلیقی                  فیضِ کمالاتی

فیضِ تخلیقی

انسان کی ایجاد و تخلیق کا سبب فیضِ تخلیقی کہلاتا ہے یہ فیض انسان کو صفات کے توسط سے حاصل ہوتا ہے۔

فیضِ کمالاتی

انسان کے ایمان و معرفت اور کمالاتِ نبّوت و ولایت کا سبب فیضِ کمالاتی کہلاتا ہے یہ فیض بعض کو صفات کے توّسط سے اور بعض کو شیونات کے توّسط سے حاصل ہوتا ہے۔ مثلًا سرورِ کائنات خلاصہِ موجودات علیْہ التحیّات و الصّلوٰت کا مَبداِ فیضِ تخلیقی صفات ہیں اور مَبداِ فیضِ کمالاتی شیونات ہیں۔* آپ اپنے مبداِ فیضِ کمالاتی میں ساری مخلوق سے منفرد و ممتاز ہیں اور اس مرتبے میں آپ کا کوئی شریک نہیں انبیاء و مُرسلین علیہم الصَّلوٰت اور اولیائے کاملین علیہم الرحمۃ کو آپ کے اس مرتبہِ شانُ العلم کے ظِلال سے فیض ملتا ہے۔
مُنَزَّہُُ عَنْ شَرِیْکِِ فِیْ مَحَاسِنِہِ فَجَوْھَرُ الْحُسْنِ فِیْہِ غَیْرُ مُنْقَسِمِ
حضرت اِمامِ ربّانی قدس سرہ کا قول سرورِ عالم صلی اللہ علیہ وسلم کے مبداءِ فیضِ کمالاتی سے متعلق ہے۔

چند اصطلاحات کی وضاحت پیشِ خدمت ہے

قابلیّت

ذات و شیونات یا ذات اور صفات کے درمیان نسبت کو قابلیّت کہا جاتا ہے۔

نِسبت

ظِلّ طرفین یا رابطہ بینَ الطّرفین کا نام نسبت ہے۔

قابلیّتِ اُولیٰ

حقیقتِ مُحمّدیہ علیٰ صَاحبہا الصَّلوٰت کو قابلیتِ اُولیٰ کہا جاتا ہے۔

مبداِ فیض

عالمِ وجوب میں جس اسم، شان، صفت یا ظِلّ کے توسط سے سالک کو فیض آتا ہے اس کو مبداِ فیض کہتے ہیں۔

مبداِ فیاض

مبداِ فیاض صرف ذاتِ باری تعالیٰ ہے اور ہر انسان اپنی استعداد و صلاحیت کے مطابق عالمِ وُجوب میں اپنے مبداِ فیض سے تربیت و پرورش پاتا ہے۔

ذات واجب تعالٰی اور اسمائے کلی کو کہتے ہیں

مبدأ فیاض  صرف ذات باری تعالیٰ ہے اور ہر انسان اپنی استطاعت و صلاحیت کے مطابق عالم وجوب میں اپنے مبدأ فیض سے تربیت و پرورش پاتا ہے مبدأ فیض عالم وجوب میں جس اسم شان صفت یاظل کے توسط سے سالک کو فیض آتا ہے اس کو مبدأ فیض کہتے ہیں

مبدأ فیض

جب اللہ تعالی کسی مخلوق کو پیدا کرنے کا ارادہ فرماتا ہے تو جو چیز کی ابتدا

جس جگہ سے ہوتی ہے اس کو تعین کہتے ہیں یہ وہ مقام ہے جہاں مخلوق اپنے خالق سے جدا ہوتی ہے اور اپنے وجود میں مستقل ہو کر اس مقام سے فیض حاصل کرتی ہے اور جس مقام ( اسم یا صفت) سے وہ مخلوق فیض حاصل کرتی ہے اس کا مربی( تربیت کرنے والا) اور مبداءفیاض کہلاتا ہے بقول خواجہ معصوم مبدأ تعیُّن(مبدأ فیض )عاشق اور معشوق کے درمیان برزخ ہے

مبدأ فیاض

ذاتِ حق تعالیٰ مبداء فیاض ہے کیونکہ کائنات کی ہر شے اسی ذات سے ہر قسم کا فیض حاصل کررہی ہے اور ہر چیز کی اِبتداء و انتہیٰ اسی کی طرف لوٹتی ہے۔

جب انسان سے یہ منسوب ہو تو مراد ہے اس کی ابتدا کہاں سے اور کیسے ہوئی

مبدأ تعیُّن

فیض کی مُختلف صورتوں اور قسموں کے اعتبار سے اللہ تعالیٰ کو مختلف اسموں اور صفتوں سے پُکارا جاتا ہے ان میں سے ہر اسم اور صفت کو کسی نہ کسی مخلوق کے ساتھ خاص مناسبت ہوتی ہے اور وہ مخلوق اسی کے فیض سے دوسرے اسموں اور صفتوں کا فیض حاصل کرتی ہے اور وہی اصطلاحِ طریقت میں اسکے مربّی کہلاتے ہیں۔ بس یہی اسماء و صفات اس مخلوق کے مبادئِ تعیّنات ہیں لیکن یہ فرق ملحوظ رہنا چاہئیے کہ اللہ تعالیٰ کے اسماء و صفات نبیوں اور فرشتوں کے مبادئ تعینات ہیں اور ان اسماء و صفات کے ظِلال دُوسرے انسانوں  اور باقی مخلوقات کے مبادئ تعینات ہیں۔

صوفیائے عظام نے اسی حدیث کی روشنی میں فرمایا ہے کہ مومنوں کے مَبادئ تعینات نُور کے حجاب ہیں جو اسم الھادی کے ظِلال ہیں اور کافروں کے مَبادئ تعینات ظُلمت کے حجاب ہیں جو اسم المُضِلُّ کے ظِلال ہیں۔