فیض می آید از ذات بیچون کہ منشاء کمالات نبوت است بہ عنصر خاک من بواسطہ پیران کبار رحمۃاللہ علیہم اجمعین

ذات باری تعالیٰ  کی طرف سے  جو کمالات نبوت کی منشاء ہے عظیم مرشدین گرامی   اللہ تعالیٰ ان پر رحمتیں نازل فرمائےکے وسیلہ جلیلہ  سے  میرے    عنصر خاک  میں فیض  آتا ہے۔

تشریح

یہ مراقبہ سیر اسم الباطن کا نقطہ عروج ہے۔ اور تجلی دائمی کا درجہ اول ہے۔ سالک اسماء و صفات سے گزر کر ذات میں سیر کرتا ہے۔ کمالات نبوت کا عنصر خاک پر اثر ہوتا ہے۔ یہاں حضوری بے جہت حاصل ہوتی ہے۔ بے قراری، بے تابی اور شوق سب رخصت ہو جاتے ہیں۔ یقین کامل راسخ ہوجاتا ہے۔ یہاں وصول ہے حصول نہیں ۔خوب یاد رہے کہ یہ مقام، مقام انبیاء ہے۔ انبیاء کی اتباع کے بغیر کچھ حاصل نہیں ہوتا۔

مرتبہ کمالات نبوت وہ دولت کبری اور نعمت عظمی ہے کہ اس مقام کی ذرہ بھر سیر جمیع مقامات ولایت صغری و کبری و علیاء سے زیادہ بہتر اور اعلی ہے ۔ اس مقام عالیہ کی خصوصیات حضور بے جہت، یقین تمکین اور تسکین ہیں ۔ یہاں سابقہ کیفیات مثلا ذوق وشوق و بیتابی و شدت طلب زائل ہو جاتے ہیں ۔آیت کریمہ،لا تـد که الابصار ، کے مصداق اس مقام پر تمام علوم و معارف مفقود اور باطن کے تمام حالات بے شناخت ہوجاتے ہیں ۔

حقیقت ایمان واتباع شریعت محمدی ﷺ کمال وسعت نسبت باطن ، بے کیفی ، حیرت اور اپنی نسبت سے لاعلمی اس مقام کی خصوصیات میں یہاں وصول ہی وصول ہے حصول نہیں ۔ اس مقام میں تجلیات ذاتی بے پردہ اسماء و صفات وغیرہ سے سابقہ پڑتا ہے ۔ یہاں اس خیال سے مراقبہ کرتے ہیں کہ اس ذات بحت ( ذات بحت سے ذات حق تعالی کا تمام اسماء و صفات اور شیونات و اعتبارات سے مبراومنزہ ہونا مراد ہے ) سے جو کمالات نبوت کا منشاء ہے بواسطہ میرے حضرت پیر ومرشد میرے عنصر خاک پر مع عناصر ثلاثہ فیض آ تا ہے ۔ خاص طور پر یہ فیضان عنصر خاک ہی کو نصیب ہوا ہے ۔ لطائف خمسہ عالم امر و دیگر عناصر اسی خاک کی بدولت اس سعادت سے بہرہ ور ہوتے ہیں ۔اس سے عنصر خاک کے مرتبہ کا اندازہ ہوتا ہے کہ اس دنیا میں وہ جس قدر پست واقع ہوا ہے ۔ اسی قدر اس کی قدرومنزلت اللہ تبارک و تعالی کے نزدیک ارفع و اعلی ہے ۔ اور عنصر خاک کے سواکسی لطیفہ عالم امر یا کوئی ذاتی تجلی مقدر نہ ہوئی۔

ولایت سہ گانہ

سالک جب ولایت علیاء کے فیضان و انوار سے مشرف ہو کر مرتبہ کمال پر پہنچتا ہے تو بفضل الہی اس پر کمالات نبوت کا مقام کھلتا ہے جو نہایت ارفع واعلی مقام ہے ۔ اس مرتبہ کے ولی کو اعلی درجہ کے کمالات حاصل ہوتے ہیں جن کا پورے طور پر احاطہ وادراک کر نا ولایت صغری و کبری وعلیاء کے اولیاءاللہ کے لیے دشوار ہوتا ہے ۔ اس مرتبہ کی نسبت سے لاعلمی کی وجہ یہ ہے کہ اس سے قبل سالک کی نسبت ولایات سے تھی جہاں اس کو اسماء وصفات وشیونات میں فنا و بقا کا مرتبہ حاصل تھا۔ اور مرتبہ کمالات نبوت سے بالکل بے بہرہ تھا سا لک کی قوت ادراک ایسی بھی که نسبت مر تبہ ذات بحت کو سمجھ سکے ۔اس لیے یہاں کی نسبت کا ادراک اس کے لیے دشوار ہے ۔ کمالات نبوت کا مقام انبیاءعلیھم السلام کے لیے مخصوص ہے اس مقام کے معارف انبیاء کرام علیھم السلام کی شریعتیں ہیں یہ آنحضرت ﷺ کےتابعین کو کمال اتباع کی برکت سے بطور وراثت نصیب ہوتا ہے ۔ اس مقام پر شیخ کامل واکمل کی تو جہات اور طالب کی استعداد کے مطابق جلوہ حق تجلی فرماتا ہے۔ جو معاملہ یہاں پیش آتا ہے وہ مشاہدہ ولایات کے مقابلہ میں رؤیت کے مانند ہوا کرتا ہے ۔ اگر چہ وہ رؤیت نہیں ہوتی اس لیے کہ وعدہ دیدار تو آخرت ہی سے متعلق ہے

غرضیکہ اس مقام میں آنحضرت سید المرسلین ﷺ کی اتباع کے سبب اللہ تبارک و تعالی سے ایک خاص رابطہ پیدا ہو جا تا ہے ۔ البتہ جب اس مقام کی بلندی و بے رنگی کا پورا پورا کشف ہوتا ہے تو سالک کی حیرانی بڑھ جاتی ہے کہ اس سے پہلے بھی یہ مقام اس کی نظروں کے سامنے تھا اور اس قدرقریب ہونے کے باوجوداس کے نظر نہ آنے کی کیا وجہ تھی ۔ کہ اپنے مقصود کی تلاش میں بھٹکتے رہے ۔ اس مقام میں ترقی کے لیے قرآن مجید کی باادب با ترتیل تلاوت اور قیام وقرات کی طویل ادائیگی اور مسنون اذکا رانتہائی مفید اور ترقی بخش ہیں ۔

خلاصہ یہ کہ مراقبہ کمالات نبوت میں عنصر خاک پرفیض لیتے ہیں ۔ اس سے مراد یہ ہے کہ خاص کی خاصیت انتہائی عجز و انکساری ہے جس کی وجہ سے انسان اللہ تعالی کے نزدیک تمام اعتبارات وتعینات انسانی سے بالا تر مقام حاصل کرتا ہے ۔ ان خصائل کے حامل انبیاء کرام علیھم السلام ہیں بایں وجہ کمالات نبوت سے فیض حاصل کرایا جا تا ہے ۔ تا کہ سالک میں بھی انہیں خصائل کا پر تو ظاہر ہو۔

 فیض می آید از ذات بیچون کہ مسمی بہ اسم باطن است کہ منشاء ولایت علیا است و ولایت ملاءالاعلی است بمفهوم این آیۃ کریمہ. ھُوَالْاَوَّلُ وَالْاَخِرُوالظَّاھِرُوَالْبَاطِنُ وَهُوَ بِکُلِّ شَیْئٍ عَلِیْمُ. بعناصر ثلاثہ من کہ آب وباد ونار است بواسطہ پیران کباررحمۃاللہ علیہم اجمعین

ذات باری تعالیٰ  کی طرف سے  جو اسم باطن کے ساتھ موسوم ہے اور منشا ولایت علیا ہے جو ولایت ملا الاعلی  ہے اور اس آیہ کریمہ کے مطابق(وہی اول  وہی آخر  ظاہر و باطن ہے اور وہی ہر شے کو جاننے والا ہے )عظیم مرشدین گرامی اللہ تعالیٰ ان پر رحمتیں نازل فرمائےکے وسیلہ جلیلہ سے  میرے  تین عناصر پانی ہوا اور آگ میں فیض  آتا ہے۔

تشریح

اس مراقبہ میں ولایت کبری اور اسم باطن کی سیر شروع ہوتی ہے۔ اس کو ولایت علیا اور ولایت ملا ئکہ علیہم السلام بھی کہتے ہیں۔ اس مقام میں سوائے عنصرخاک کے باقی عناصریعنی پانی، ہوا اور آگ مورد فیض ہوکرتکمیل پاتے ہیں۔ جاننا چاہئے کہ ولایت صغری اور ولایت کبری کی سیراسم الظاهر میں تھی جبکہ ولایت علیا کی سیر اسم الباطن میں ہے۔ ان میں فرق یہ ہے کہ سیر اسم الظاهر میں تجلیات اسمائی وصفاتی ہیں۔ جبکہ سیراسم الباطن میں اگر چہ تجلیات اسماء و صفات ہی ہیں لیکن ان کے ساتھ تجلی ذات بھی پردہ ہائے اسماء و صفات میں موجود ہوتی ہے۔ اس مقام میں سالک کے اجزائے جسم پاک وصاف ہوجاتے ہیں، عناصر ثلاثہ کے رذائل صفات حمید ہ میں بدل کر منور ہوجاتے ہیں تو سالک کو پرواز کے دو پر عنایت ہوتے ہیں ۔ ایک اسم الظاهرکاجو ولایت کبری کی انتہا ہے اور دوسرا اسم الباطن کا جو ولایت علیا کی انتہا ہے۔ سالک کو اس مرتبہ میں تجلیات اسماء وصفات الہی سے گزر کر تجلیات ذات اقدس (جوحقیقی مقصود ہے) کی سیر کے قابل ہو جاتا ہے۔ اس مقام میں ذکر تہلیل، نوافل، قیام اور قرآت کی طوالت ترقی بخش ہوتے ہیں۔ اور رخصت شرعی کا اختیار کرنا بھی غیر مستحسن ہے۔ چونکہ یہ ولایت ملائکہ کی ہے لہذا ملکیت کے ساتھ جس قدر زیادہ مناسبت ہوگی ، اتنی جلد ترقی میسر ہوگی۔ اس ولایت سے سالک کے تمام بدن میں وسعت و فراخی پیدا ہو جاتی ہے۔ اور لطیف احوال سارے جسم پر وارد ہوتے ہیں۔ خصائل رذیلہ کو دفع کرنا اور خالق عناصر کی طرف متوجہ رہ کر حصول فیض کرنا اس مراقبه کا، ما حاصل ہے۔

ولایت صفری اور ولایت کبری اسم الظاہر کے سیر وسلوک میں تھے۔ اس کے بعد اسم الباطن میں ولایت علیاء کی سیر شروع ہوتی ہے۔ اس کا نام ولایت ملائکہ کرام علیہم السلام بھی ہے اس مقام میں عنصر خاک کے علاوہ عناصرثلا ثہ آگ ، ہوا اور پانی پر فیض کا ورود ہوتا ہے ۔ جاننا چاہیے کہ سیر اسم الظاہر تجلیات اسمائی وصفاتی تھے اور سیر اسم الباطن میں تجلیات اسماء وصفات کے ساتھ تجلی ذات بھی پردہ ہائے اسماء وصفات میں مخفی ہوتی ہے۔ ان ولایتوں، ولایت صغری ، ولایت کبری اور ولایت علیا یا ولایت ملائکہ کی مثال ظاہر و باطن جیسی ہے ۔ اگر ولایت صغری پوست ہے تو ولایت کبری مغز ہے ۔ اگر ولایت کبری پوست ہے تو ولایت علیا مغز ہے ۔اسی دائرہ میں عناصر ثلاثہ کی فنا و بقا ہوتی ہے۔اس مقام میں سالک ایسی تجلیات میں سیر کرتا ہے جواسماء وصفات وذات سے ملی ہوئی ہیں۔

سالک کے عالم امر کے لطائف ( قلب، روح ، سر،خفی ، اخفی ) متقی ہو جائیں اور عالم خلق سے نفس کا تزکیہ ہو جائے اور عناصر ثلاثہ (آگ، ہوا، پانی ) کے رذائل اوصاف حمیدہ میں تبدیل ہو کر منور ہو جائیں اور عنصر خاک کی پاکیزگی و صفائی ہو چکے کہ ہمہ وقت تمام اجزاء لطائف کے ہمراہ ہے تو اس وقت سا لک کو دو پر سیر اور پرواز کے لیے عطا ہوتے ہیں ۔ ان میں سے ایک سیر اسم الظاہر کا ہے جو ولایت کبری کی انتہا ہے اور دوسرا سیر اسم الباطن کا ہے جو ولایت علیاء منتہی ہے۔ سالک اس مقام میں تجلیات کی سیر کے قابل ہو جا تا ہے ۔ اس مقام میں ذکر تہلیل و نوافل قیام وقرات کے طول سے ترقی پاتے ہیں ۔ اور رخصت شرعی کا اختیار کرنا غیر مستحن ہوتا ہے۔ بلکہ عزیمت پر عمل کرنا اس مقام میں ترقی بخشتا ہے راز یہ ہے کہ رخصت پرعمل کر نا بشریت کی طرف کھینچتا ہے اور عز یمت پر عمل کرنا ملکیت کے ساتھ نسبت قائم کرتا ہے کیونکہ یہ ولایت ملائکہ کرام علیہم السلام کی ہے اس لیے یہاں ملکیت کے ساتھ جس قدر مناسبت ہو گی اتنا ہی جلد ترقی حاصل ہوگی ۔

اس مقام میں سالک کا باطن اسم الباطن سے مسمی و مصداق ذات اقدس تبارک وتعالی کا مظہر بن جا تا ہے ۔ اس ولایت سے سالک کے تمام بدن میں وسعت وفراخی پیدا ہو جاتی ہے ۔ اور جسم پرلطیف احوال کا ورود ہوتا ہے۔ اخفا اوراسرار کے لائق رموز سالک کے ادراک میں آتے ہیں بلکہ ارباب کشف رویت ملائکہ کرام سے بھی مشرف ہوتے ہیں ۔ الغرض مراقبہ اسم الباطن بھی عناصر ثلاثہ کے اعتبار سے علم الہی سے ہے اس مراقبہ کا مقصودعناصر ثلاثہ کی کیفیات میں انانیت وریاء جیسے رذائل کو دفع کرنا اور خالق عناصر کی طرف متوجہ رہ کر فیض حاصل کرنا ہے ۔