مولانا روم رحمتہ اللہ علیہ

ایک دن دربار لگا ہوا تھا معمول کے مطابق حاضرین، دربار میں اپنی اپنی زبان میں باتیں کررہے تھے۔ تجربے اور دانائی کی نہریں رواں تھیں، اس روز پرندے اپنی صفات اور ہنر بیان کر رہے تھے۔ آخر میں ہد ہد کی باری آئی اس نے کہا: اے علم وحکمت کے بادشاہ! مجھ میں ایک خوبی ہے جو عرض کرنے کی جسارت کرتا ہوں ۔ داناؤں نے کہا ہے مختصر كلام ہی فائدہ مند ہوتا ہے۔ میں اڑتے ہوئے بلندی سے زیر زمین پانی کا اندازہ لگا لیتا ہوں کہ اتنی گہرائی میں ہے۔ پانی کی خاصیت کیا ہے۔ زمین سے نکل رہا ہے یا پتھر سے رس رہا ہے۔ 

حضرت سلیمان علیہ السلام  نے ہد ہد کی اس خوبی کی بہت تعریف کی اور اجازت عطا فرمائی کہ بے آب و گیاہ صحراؤں میں سفر کے دوران تو ہمارے ہراول دستےکے ساتھ رہا کرتا کہ پانی کا کھوج لگا تارہے‘‘ 

زاغ بدنیت (کوے) نے جب سنا کہ ہد ہد کو ہراول میں شریک رہنے کا اعزاز عطا ہوا ہے تو مارے حسد کے انگاروں پرلوٹنے گا۔ فورا پیغمبر خداعلیہ السلام    کے سامنے آ کر کہنے لگا ہد ہد نے آپ علیہ السلام   کے حضور سخت گستاخی کی ہے اور جھوٹا دعوی کیا ہے۔ اسے اس کذب بیانی کی سزا دی جائے۔

اس سے پوچھئے کہ تیری نظر اتنی تیز ہے کہ پاتال میں چھپے ہوئے پانی کی خبر دیتی ہے۔ تو پھر تجھے زمین پر بچھا ہوا جال کیوں نہیں نظر آتا، جوشکاری تجھےپھانسنے کے لیے لگاتا ہے۔ ایسا ہنر رکھتا ہے تو جال میں گرفتار کیوں ہو جاتا ہے۔ آسمان کی بلندیوں سے وہ جال کیوں نہیں دیکھ لیتا۔‘‘ زاغ بدنیت (کوے) کی بات سن کر حضرت سلیمان علیہ السلام  نے ہد ہد سے دریافت کیا: دعوے کی صداقت کا ثبوت پیش کر ہد ہد نے بے خوف ہو کر عرض کیا: 

اے بادشاہ سلامت ! اگر میر ادعوی صحیح نہ ہوتویہ گردن حاضر ہے۔ یہ صفت مجھے قدرت نے عطا کی ہے۔ جب قدرت ہی یہ صفت سلب کر لے۔ جب فرمان قضا و قدر جاری ہو اور میرا آخری وقت آجائے تو نگاہ کی خوبی کیا کرے۔ ایسے موقع پرعقل کام نہیں کرتی۔ چاند سیاہ ہو جاتا ہے، اور سورج گہن میں آجاتا ہے۔

 ثمرات:   الله تعالی اپنی مصلحت کے مطابق تدبیروں کو توڑ دیتا ہے۔ قضا کے سامنے کسی کی نہیں چلتی۔ 

میرے آگے تیری کیا ہستی ہے کہ میرے ہوتے ہوئے تو انصاف کرے۔ اس نے بھیڑیئے کوقریب بلا کر اس زور سے پنجہ مارا کہ وہ فوراً ہلاک ہو گیا۔ اس کے بعد اس نے لومڑی کو بلایا او تقسیم کے لئے کہا۔ لومڑی نے باادب ہو کر کہا:”جناب تقسیم کیسی یہ نیل گائے آپ کے صبح کا ناشتہ ہے ۔ جنگی بکر ادو پہر کو اور خرگوش رات کو تناول فرما لیے گا۔ شیر اس سے خوش ہوا اور اس کی انصاف پسندی کی داد دیتے ہوئے اس سے پوچھا کہ یہ  انصاف کی تقسیم تو نے کہاں سےسیکھی۔ لومڑی نے کہا: جناب بھیڑیئے کے انجام سے۔ چنانچہ شیر نے خوش ہو کر وہ تینوں شکار لومڑی کوبخش دیئے۔ 

ثمرات:   دوسروں کے انجام سے عبرت حاصل کرناعقلمندوں کا شیوہ ہے۔یہ ان کو انجام بد سے بچالیتا ہے۔ 

جو لوگ دوسروں سے عبرت  حاصل نہیں کرتے وہ دوسروں کیلئے عبرت بن جاتے ہیں

الله تعالی عزوجل نے اس کی دعا قبول کر لی، اسے خواب آیا کہ توردی والے کی دکان پر جا وہاں بوسیدہ کاغذوں میں سے تجھے ایک کاغذ ملے گا۔ اسے لے آ اور تنہائی میں پڑھ اٹھ کر وہ ردی والے کی دکان پر گیا۔ ردی میں سے وہ تحریر(گنج نامہ) تلاش کرنے لگا۔ تھوڑی دیر بعد وہ گنج نامہ اس کے سامنے آگیا جو اسے خواب میں نظر آیا تھا۔ اس نے وہ کاغذ دکاندار سے لیا۔ تنہائی میں اس کاغذ کو پڑھا۔ اس پرچے میں تحریر تھا کہ شہر سے پار ایک مزار ہے ادھر ہی خزانہ دفن ہے۔ مزار کی طرف پشت اور منہ قبلہ کی طرف کر کے تیر کو کمان میں رکھ۔ جہاں پر تیرگرے وہاں خزانہ دفن ہو گا۔ فقیر نے تیرکمان لے کر اپنے جوہر دکھانے شروع کر دیئے۔ جہاں تیر پھینکتا وہاں جلدی سے بیلے پھاوڑے لے کر زمین کھودنا شروع کر دیتا……….. بیلچہ۔ پھاوڑا اور وہ فقیر کند ہو گئے مگر خزانے کا نام ونشان بھی نہ ملا … وہ روزانہ اسی طرح عمل کرتا تیر چیتا جس جگہ تیرگرتا اسے کھودتا مگر خزانہ نہ ملتا۔فقیر کے اس پروگرام کا بادشاہ وقت کو پتا چلا۔ بادشاہ نے اسے طلب کیا۔ اس نے ساری کہانی کہہ سنائی، اور کہنے لگا جب سے خزانے کا پتہ پایا ہے، تلاش میں ہوں، خزانہ تو نہ ملا، سخت تکلیف اور مشقت میرا مقدر بن گئی ہے۔ 

بادشاہ نے فقیر سے وہ گنج نامہ لے لیا۔ خزانہ پانے کے لئے بادشاہ نے بھی تیر چلانے شروع کردیئے۔ چھ ماہ تک بادشاہ بھی تیر چلاتا رہا مگر کچھ ہاتھ نہ آیا۔ 

بادشاہ سلامت نے بھی نا امید ہو کر وہ گنج نامہ فقیر کو واپس کردیا۔ 

فقیر نے پھر اللہ عزوجل کی طرف رجوع کیا عاجزی، انکساری اور آنکھیں اشک بار کر کے دعا کی اے اللہ تعالی میری سمجھ سے یہ عقده بالاتر ہے میں راز کو نہ پا سکا۔ تو خودہی کمال مہربانی سے اسے حل کر دے اور مجھے خزانے تک پہنچا دے، جب وہ عاجز ہو کر بارگاه الہی میں سچے دل سے گر پڑا تو آواز آئی۔ میں نے تجھے تیر کو کمان میں رکھنے کو کہا تھا۔ تجھے تیر چلانے اور کمالات دکھانے کا نہیں کہا تھا۔ خزانہ تیرے پاس تھا۔ تیرے قریب تھا۔ تو تیر اندازی کے سفر میں اس سے دور ہوتا گیا۔ خدا کی ذات کو اپنے اندر اپنے دل میں تلاش کر جو شہ رگ سے بھی قریب تر ہے۔ اپنے من میں ڈوب تو خزانے تک جائے گا۔

 ثمرات: اس کے کرم سے گنج نامہ تو مل جاتا ہے۔ مگر انسان جلد بازی، چالاکی، ہوشیاری سے پانے کی کوشش کرتا ہے۔ یہ جو ہر عاجزی، انکساری اور من میں تلاش کرنے سے ملتا ہے۔ 

چینیاں گفتند مانقاش تر     رومیان گفتند مارا کر و فر

سلطان وقت نے کہا ہم دونوں کا امتحان کر لیتے ہیں کہ کس کو فن نقاشی میں برتری حاصل ہے۔ پھر یہ فیصلہ ہو جائے گا کہ دعوے میں کون سچا ہے۔ چینیوں نے کہا بہت بہتر ہم خوب محنت کریں گے۔ رومیوں نے کہا: ہم بھی اپنا کمال دکھانے میں اپنی جان لڑا دیں گے۔ اہل چین نے بادشاہ سے کہا: ہمیں ایک دیوارنقش و نگار بنانے کے لئے دے دی جائے اور اس کو پردے سے مخفی کر دیا جائے تا کہ اہل روم ہماری نقل نہ کر سکیں اہل روم نے کہا: ٹھیک اسی دیوار کے سامنے والی دیوارہمیں دی جائے تا کہ ہم اس پر اپنے فن کا مظاہرہ کریں۔ 

دیواروں کے درمیان پرده حائل کر کے دونوں طرف کے ماہرین کو کہا گیا کہ اپنے اپنے فن کا مظاہرہ کریں۔ چینیوں نے مختلف رنگ وروغن کی آمیزش سے دلفریب نقش ونگار بنانے شروع کردیئے نقاشی کا ایسا بہترین اور بے نظیر کام کیا کہ وہ نقش ونگاروالی دیوار پھولوں کا گلدستہ معلوم ہونے لگی۔ اہل روم نے بھی پردے کے اندرمخفی کام شروع کیا۔ انہوں نے کوئی نقش ونگار نہ بنائے اور نہ ہی کسی دلفریب رنگ وروغن کا استعمال کیا۔ دیوار کو میل کچیل سے صاف کر کے خوب صیقل اور صفائی کرتے رہے یہاں تک کہ پوری دیوارمشل آئینہ چمکنے لگی چینی ماہر  نقش و نگاری میں جاں فشانی کرتے رہے انہوں نے طرح طرح کے مناظر بنائے۔ بوقت امتحان اور مقابلہ جب درمیان سے پردہ ہٹایا گیا تو اہل چین کے نقش  و نگار کا عکس جب رومیوں کی صیقل شده دیوار پر پڑا تو چینیوں کے بنائے ہوئے سحر انگیز مناظر آئینے میں اور خوبصورت نظر آنے لگے۔ 

شهه در آمدید آنجا نقشها           می ربود آن عقل را و فهم را 

بادشاہ آیا اور اس نے پہلے ان نقوش کو دیکھا جو اہل چین نے بنائے تھے۔ بادشاہ ان کے جوہر دیکھ کر بہت خوش ہوا۔ پھر وہ رومیوں کی کاریگری کی طرف متوجہ ہوا صیقل شده دیوار میں دلفریب منظر دیکھ کر دنگ رہ گیا۔ رومیوں کی دیوار نے ایسا دلآویز منظر پیش کیا کہ آنکھیں اس کو دیکھ کر سیر نہ ہوتیں تھیں۔ بادشاہ محو حیرت ہو گیا۔ 

آنچه آنجا دید اینجا به نمود دیده راه از دیده خانه می ربود

بادشاہ نے وہاں جو دیکھا تھا۔ یہاں اس سے بہتر نظر آیا حتی کہ کمال حسن نقاشی کی کشش سے آنکھیں حلقه چشم سے نکل پڑتی تھیں۔ 

رومیاں آن صوفیانند ای پسر       بے زتکرار و کتاب و بے هنر

مولانا روم رحمۃ اللہ علیہ نے رومیوں کی مثال سے صوفیوں کا مقام بیان فرمایا ہے کہ یہ حضرات بھی دل کی صفائی کا زیادہ اہتمام کرتے ہیں اور اسی کی برکت سے کتاب اور ہنر کے اخلاق حمیدہ سے منقش ہو جاتے ہیں، اور سینے کی صفائی کرنے سے حرص… بخل اور کینےسے پاک ہوتے ہیں۔ 

حسن آئینہ حق اور دل آئینہ حسن

 رفع زنگ سے وہی بات پیدا ہو جاتی ہے جو حسن رنگ نے پیدا کی تھی۔ صیقلی سے دل نہ صرف مظاہرآفاق کا آئینہ بن جاتا ہے بلکہ اس میں حقائق باطن بھی منعکس ہوتے ہیں۔ جوحکمت آفاق سے ماورانہیں۔

 ثمرات: دل کی صفائی (نیت کا صاف ہونا ) کامیابی کی ضمانت ہے۔ 

عالم لاہوت (خدائی) کے نقش و نگار اسی سینے میں منعکس ہوتے ہیں  جو گناہوں سے صاف ہو

شیطان کی ان پر فریب باتوں سے صوفی نے ذکر کرنا چھوڑ دیا۔ شکستہ دل اور افسردہ ہو کر 

سوگیا۔ آنکھ سوگئی اورقسمت جاگ گئی۔ 

عالم خواب میں دیکھا کہ حضرت خضر علیہ السلام  تشریف لائے اور انہوں نے دریافت کیا کہ ذکر الہی سے غفلت کیوں کی۔ اے نیک بخت! تو نے ذکر کیوں چھوڑ دیا۔ آخر اس ذکر پاک سے پشیمان کیوں ہو گیا ہے ؟ اس نے کہا بارگاه الہی سے مجھے کوئی جواب ہی نہیں ملتا۔ اس سے دل میں خیال آیا کہ میراذ کر قبول ہی نہیں ہورہا…. 

حضرت خضر علیہ السلام  نے فرمایا تمہارے لئے اللہ عزوجل نے پیغام بھیجا ہے کہ تمہارا اللہ تعالی کے ذکر میں مشغول ہونا اور دوسرا تمہارا پہلی دفعہ اللہ کہنا قبول ہوتا ہے تب دوسری بار تجھے اللہ کہنے کی توفیق ملتی ہے اور تمہارے دل میں یہ جوسوز و گداز ہے اور میری چاہت محبت اور تڑپ ہے یہی تمہارے ذکر کی قبولیت کی نشانی ہے۔ اے بندے! میری محبت میں تیری یہ تدبیریں اور محنتیں سب ہماری طرف سے جذب وکشش کا ہی عکس ہیں۔ اے بندے ! تیرا خوف اور میری ذات سے تیرا عشق میرا ہی انعام ہے، اور میری ہی مہربانی  و محبت کی کشش ہے کہ تیری ہر بار یا اللہ کی پکار میں میرا لبیک شامل ہوتا ہے۔ 

تمہارے ذکر کی قبولیت کی نشانی یہی ہے کہ تمہیں ذکرحق میں مشغول کردیا ہے۔ 

جان جاهل زیں دعا جز دور نیست     زانکه يارب گفتش دستور نیست

 ایک جاہل اور غافل ذکر اور دعا مانگنے کی توفیق سے محروم رہتا ہے۔ 

اللہ عزوجل کے ذکر کا اجر خوداس ذکر میں ہی پوشیدہ ہوتا ہے۔ الله تعالی اپنے ذکر کی اور یاد کی توفیق اسی کو عطا کرتے ہیں جس سے خوش ہوتے ہیں اور یہی اس کی قبولیت کی دلیل ہے۔ 

ثمرات:   نیکی کرنے کی توفیق بھی اللہ ہی دیتا ہے۔

 شیطان ہر دم اس کوشش میں رہتا ہے کہ کسی طرح انسان الله تعالی کے ذکرسے باز آ جائے۔ 

مگر باطنی سلطنت ایسی ملی جس کے سامنے ہفت اقلیم کی سلطنت بلکہ زمین و آسمان کے خزانے بھی بے حقیقت ہو گئے ۔ شاہ کو خود بھی خود کی خبر نہ تھی کہ سلطنت کا سرسبز و شاداب باغ آتش حقیقی کی نظر ہونے والا ہے………… کوڑیاں چھین کر جواہرات عطا ہونے والے ہیں ۔ خارستان سوختہ ہو کر چمنستان بے خزاں بنے والا ہے۔ جب کسی کے بھلے دن آتے ہیں تو اسی طرح ہوتا ہے۔ حضرت ابراہیم بن ادهم رات کو بالا خانہ پر سورہے تھے کہ اچانک پاؤں کی آہٹ محسوس ہوئی ۔ گھبرائے کہ رات کے وقت شاہی بالا خانہ پر کون لوگ ایسی جرأت کر سکتے ہیں۔ دریافت فرمایا : 

اےوار دین کرام آپ کون لوگ ہیں؟‘یہ فرشتے تھے جوحق تعالی کی طرف سے غفلت زدہ دل پر چوٹ لگانے آئے تھے۔ فرشتوں نے جواب دیا ” ہم یہاں اپنا اونٹ تلاش کر رہے ہیں ۔‘ بادشاہ نے کہا:’’ حیرت ہے کہ شاہی بالا خانہ پر اونٹ تلاش کیا جارہا ہے۔ 

ان حضرات نے جواب دیا کہ ہمیں اس سے زیادہ حیرت آپ پر ہے کہ اس 

نازپروری اور عیش میں خدا کو تلاش کیا جارہا ہے‘‘ 

پس بگفتندش که تو بر تخت شاه  چون همی جوئی ملاقات از اله 

انہوں نے بادشاہ سے کہا کہ تو شاہی تخت پرحق تعالی کی ملا قات کو کیوں تلاش کر رہا ہے۔ یہ کہہ کر وہ رجال الغیب تو غائب ہو گئے لیکن بادشاہ کے دل پرایسی چوٹ لگ گئی کہ ملک و سلطنت سے دل سرد ہوگیا۔ 

مولا ناروم رحمۃ اللہ علیہ بیان فرماتے ہیں: 

اے لوگو! سلطنت کومثل ابراہیم ابن ادهم رحمۃ اللہ علیہ کے جلد خیر باد کہد و تا کہ ان کی طرح تم بھی سلطنت باطنی سے مشرف ہوجاؤ عشق حقیقی جب اغلب ہوا تو حضرت ابراہیم بن ادھم رحمۃ اللہ علیہ سلطنت ترک کرنے پرمجبور ہو گئے عشق کائنات کی تمام لذتوں سے دل کو بے زار کردیتا ہے۔ 

آدھی رات کا وقت ہوا بادشاہ اٹھا کمبل اوڑھا اور اپنی سلطنت سے نکل پڑا۔ سوز عشق کی ایک آہ نے زندان سلطنت کو پھونک دیا اور دست جنون کی ایک ضرب نے گریبان ہوش کے پرزے اڑادیئے سلطنت بلخ  ترک کر کے حضرت ابراہیم بن ادهم رحمۃ اللہ علیہ نیشاپور کے صحرا میں ذکرحق میں مشغول ہوگئے۔ 

حزبه ذکر خویش مشغولم مکن از کرم از عشق معزولم مکن

اے محبوب حقیقی !اپنے ذکر کے علاوہ مجھے کسی کام میں مشغول نہ کیجئے اور اپنے کرم 

کے صدقے میں اپنے عشق سے مجھے معزول نہ فرمایئے۔ 

حق تعالی کا ذکر ہی اس روح کی غذا ہے اور الله تعالی کی محبت سے زخمی دل کے لئے ذکرحق ہی مرہم ہے۔ آپ دس برس تک صحرائے نیشا پور میں دیوانہ وار عبادت میں مصروف رہے۔ سلطان ابراہیم بن ادھم رحمۃ اللہ علیہ نے جب اپنے باطن میں نسبت اور تعلق باللہ کا بدر کامل روشن دیکھ لیا تو تمام خواہشات نفسانیہ اور ظاہری آرائشوں سے مستغنی ہو گئے ۔ کہاں تاج وتخت شاہی اور کہاں اب دریا کے کنارے بیٹھے ہوئے گدڑی سی رہے ہیں۔ سلطنت بلخ کا وزیر اس طرف سے گزر رہا تھا۔ اس نے بادشاہ کو اس حال میں دیکھ کر ……….. اس کور باطن نے دل میں سوچا یہ کیا حماقت ہے ہفت اقلیم کی سلطنت ترک کر کے مثل گداگروں کے گدڑی سی رہے ہیں۔ حضرت ابراہیم بن ادهم رحمۃ اللہ علیہ کو معلوم ہوگیا کہ یہ کیا سوچ رہا ہے آپ نے فورا اپنی سوئی دریا میں پھینک دی اور بآواز بلند دعا فرمائی کہ اے اللہ تعالی میری سوئی مجھے واپس عطا فرمائی جائے۔ دریا سے فورا ہزاروں مچھلیوں نے اپنے لبوں میں ایک ایک ’’سونے کی سوئی‘‘ لے کر پانی سے منہ باہر نکالا۔ جب اس امیر نے یہ کرامت بھی تو اپنے فاسد خیالات پر اور اپنی بے خبری پر سخت نا دم ہوا۔ 

شرمندگی اور ندامت سے ایک آہ کھینچی اور کہنے لگا کہ افسوس مچھلیاں اس مرد کامل کے مقام سے آگاہ ہیں اور میں انسان ہو کر ناواقف ہوں میں بد بخت اس دولت سے محروم ہوں مگرمچھلیاں اس معرفت سے آگاہ ہیں۔ 

اس کے بعد سلطان ابراہیم بن ادهم رحمۃ اللہ علیہ نے ارشاد فرمایا کہ اے امیر! یہ سلطنت دل کی بہتر ہے یا وہ حقیرفانی سلطنت بلخ کی۔ 

آزمودم عقل دور اندیش را     بعد ازیں دیوانه سازم خویش را |

عاشقم من بر فن ديوانگی            سیرم از فرهنگ و از فرزانگی

عقل اور دور اندیشی کو بہت آزمایا لیکن جب اس سے کام نہ بن سکا تو اس وقت میں نے خود کو دیوانہ بنا لیا اور کام اسی سے بنا۔ جب دیوانگی ہی کام آئی اور اسی سے محبوب حقیقی تک رسائی ہوئی تو میں اس فن دیوانگی پر عاشق ہو گیا، اور عقل و ہوش کو خیر باد کہہ دیا۔

 ثمرات:   جو خدا کو ہو جاتا ہے، خدا اس کا ہو جا تا ہے۔ 

دست در دیونگی باید زدن زیں خرد جاهل همی باید شدن

عشق حق دل میں پیدا کرو محض خر دسے  حق تک رسائی نہ ہوگی بلکہ جوعقل نوروحی 

سے منور نہ ہو اس سے تو جاہل ہی رہنا بہتر ہے۔ 

بالآخرعشق حقیقی نے اس بادشاہ کو تخت و تاج سے بے نیاز کر کے آدھی رات کو جنگل کا راستہ اختیار کرنے پر مجبور کر دیا کوہ و دریا، دشت و دمن سے دیوانہ وار گزرتا ہوا وہ بادشاہ اپنی حدود سلطنت سے نکل کر سرحد تبوک میں داخل ہو گیا چہرہ پر نقاب ڈال لیا تا کہ جلالت شاہانہ سے لوگ نہ سمجھ لیں کہ یہ گدڑی پوش کسی ملک کاریس یا بادشاہ ہے، ملک تبوک میں اس بادشاہ پر جب کئی فاقے گزر گئے تو ضعف و نقاہت سے مجبور ہو کر  مزدوروں کے ساتھ اینٹیں بنانے لگا۔ اگر چہ وہ بادشاہ چہرے پر نقاب کئے ہوئے تھا لیکن اس کے رنگ وڈھنگ سے مزدوروں میں تذکرے ہونے لگے کہ یہ نقاب پوش کسی ملک کا سفیر یا بادشاہ معلوم ہوتا ہے۔یہ خبر شاہ تبوک تک گئی۔ شاو تبوک کو فکر لاحق ہوگئی کہ یہ ماجرا کیا ہے…………؟ شاو تبوک نے فورا سامان سفر باندھا اور اس مزدور بادشاہ کی جھونپڑی میں جا پہنچا، اور دریافت کرنے لگا۔ اے صاحب جمال! آپ اپنے صحیح حال سے مجھے آگاہ کریں۔ آپ کا یہ روشن چہرہ شہادت دیتا ہے کہ آپ کسی ملک کے بادشاہ ہیں۔یہ فقر ومسكنت کا سبب کیا ہے؟ آپ نے اپنی راحت اور سلطانیت کوفقر کی ذلت پر قربان کیا۔ اے عالی حوصلہ! آپ کی ہمت پر میری یہ سلطنت تبوک ہی نہیں بلکہ صدہا سلطنتیں قربان ہوں مجھے جلد اپنے راز سے آگاہ کریں۔ اگر آپ میرے پاس مہمان رہیں تو یہ میری خوش نصیبی ہوگی اور آپ کے قرب سے میری جان بوجہ خوشی سوجان کے برابر ہو جائے گی۔ اس طرح بہت سی ترکیبوں سے شاہ تبوک اس لباس فقر میں ملبوس بادشاہ سے دیر تک باتیں کرتا رہا تا کہ اس کا راز منکشف ہو جائے راز و نیاز کی گفتگو کی بجائے اس نقاب پوش بادشاہ نے شاه تبوک کے کان میں د د وعشق کی نہ جانے کیا بات کہہ دی کہ شاہ تبوک نے درد بھری چیخ ماری گریبان چاک کردیا ……. شاہانہ جاہ وجلال کا ہوش نہ رہا حسن لازوال کے عشق و محبت میں ماہی بے آب کی طرح تڑپنے لگا. آدھی رات کا وقت ہوا…. دونوں بادشاہ اس ملک سے نکل کر مالک الملک کی طرف کسی اور علاقے میں چل دیئے تا کہ خلقت پریشان نہ کرے اور فراغ قلب سے محبوب حقیقی کی یاد میں مشغولی نصیب ہو….اس نقاب پوش عاشق صادق کی بات میں نہ جانے کیسی لذت تھی کہ شاہ تبوک پر سلطنت کی تمام لذتیں حرام ہوگئیں۔ سارے عیش اس لذت کے سامنےہیچ ہو گئے اور دل میں عشق الہی کا ایک دریا موجزن ہوگیا۔ شاہ تبوک نے اسی وقت اپنے سینے میں تعلق باللہ کی دولت محسوس کیا۔ 

جزاك الله که چشم باز کر دی  مرا با جان جاں همراز کر دی

 خدا آپ کو جزائے خیر عطا فرمائے کہ آپ نے ہماری آنکھیں کھول دیں اور  محبوب حقیقی سے ہمراز کر دیا۔ اس نقاب پوش صاحب نسبت بادشاہ سے عرض کیا کہ ہمیں بھی اپنے ہمراہ لے چلیں آپ کا قلب سرچشمه آتش عشق ہے۔ اس عشق حق کی آگ سے میرا سینہ بھی بھر دیئےسلطنت ترک کر کے آپ کا مزدوروں کے ساتھ اینٹیں بنانا اور لباس فقر میں خستہ حال رہنا اس بات کی دلیل ہے کہ آپ باطن میں کوئی دوسری سلطنت دیکھ چکے ہیں۔ جس کے سامنے ہفت اقلیم کی سلطنت بھی گرد ہے۔ 

مولانا روم رحمۃ اللہ علیہ   فرماتے ہیں: 

صرف ان دو بادشاہوں کو ہی نہیں اور بھی بے شمار بادشاہوں کو عشق نے ان کے ملک اور خاندان سے جدا کر دیا جب عشق خونی کمان پر چلہ چڑھا لیتا ہے تو لاکھوں سراس وقت ایک پیسے کے مول بک جاتے ہیں۔ 

صد هزاران سر به پولے آن زمان  عشق خونی چون کنده زه بر کماں

ثمرات: جب حق سے آشنائی ہوجائے تو دنیا کی ہر چیز ہیچ نظرآنےلگتی ہے۔ 

نام وشہرت سپ رخصت ہو گئے ۔ویرانی اور گمنامی میں فاقے پر فاقے گزرنے لگے۔ اس پر بے کسی کا عالم تھا۔ خلق کی اس خودغرضی کو دیکھ کر ایک دن بہت مغموم ہوا اور دل میں کہنے لگا: ”یااللہ جب میں خوش آواز تھا تو مخلوق مجھ پر پروانہ وار کرتی تھی اور ہر طرف میری تواضع ہوتی تھی۔ اب بڑھاپے کی وجہ سے آواز خراب ہوگئی ہے تو یہ ہوا پرست اور خود غرض لوگ میرے سائے سے بھی گریزاں ہو گئے ہیں۔ ہائے ! ایسی بے وفامخلوق سے میں نے دل لگایا۔ یہ تعلق کس درجہ پر فریب تھا۔ کاش! میں آپ کی طرف رجوع ہوا ہوتا، اپنے شب و روز تیری ہی یاد میں گزارتا اور تجھی سے ہی امیدیں وابستہ رکھتا تو آج یہ دن نہ دیکھتا

سارنگی بجانے والا دل ہی دل میں نادم ہورہا تھا، اور آنکھوں سے آنسو جاری تھے۔ اس نے ایک آہ بھری اور خلق خدا سے منہ موڑ کر دیوانہ وار مدینہ منورہ کے قبرستان کی طرف روانہ ہو گیا اور ایک پرانے غارنما گڑھے میں جا بیٹھا۔ روتے ہوئے اس نے عرض کیا: اے اللہ! آج میں تیرا مہمان ہوں ساری مخلوق نے مجھے چھوڑ دیا ہے تو اب بجز تیری بارگاہ کے میرے لئے کوئی پناہ گاہ نہیں۔ اے اللہ آشنا بیگانے ہو چکے، اپنے پرائے ہو چکے اب سوائے تیرے میرا کوئی آسرا نہیں ۔‘سارنگی بجانے والا اس طرح آہ و زاری میں مشغول تھا اور اس کا دل خون کے آنسورورہا تھا۔ بارگاہ الہی میں اس کے یہ ندامت کے آنسو قبول ہو گئے ۔ حضرت عمر رضی اللہ عنہ کو الہام ہوا کہ میرا فلاں بندہ جو اپنی خوش آوازی کے سبب زندگی بھر مخلوق میں مقبول ومحبوب رہا، اور اب بوجہ پیری آواز خراب ہو جانے سے ساری خلقت نے اسے چھوڑ دیا ہے۔ اس کی یہ نا کامی میری طرف رجوع کا سبب بن گئی ہے۔ اس کے پاس جا کر اس کی ضرورت کو پورا کریں۔ ہم نے اپنے فضل کو اس کے لئے خاص کر دیا ہے۔ اب اسے مخلوق کے سامنے ہاتھ پھیلانے کی ضرورت نہیں۔ 

حضرت عمر رضی اللہ عنہ فورا اٹھے اور ضرورت کا سامان لے کر اس کی طرف چل دیئے قبرستان کے نزدیک شکسته غارنما گڑھے میں ایک بزرگ انہیں سوئے ہوئے نظر آئے جن کا چہرہ اور داڑھی آنسوؤں سے ترتھی۔ اسی اشک ندامت سے ان کویہ مقام ملا تھا۔ 

پیر جنگی کے بود خاص خدا حبذا اے سر پنهان حبذا

 سارنگی بجانے والا بذھا کب خاص اورمقبول ہوسکتا تھا مبارک ہو اے راز پنہاں  مبارک ہو

حضرت عمر اس غارکہنہ کے سامنے کھڑے ہوگئے ، تا که بزرگ بیدار ہوں تو ان سے ملاقات کروں ۔ اسی اثنا میں حضرت عمر رضی اللہ عنہ کو چھینک آگئی جس سے ان کی آنکھ کھل گئی۔ خلیفة المسلین رضی اللہ عنہ کو دیکھ کر غلبہ ہیبت سے وہ کانپنے لگے۔ حضرت عمر رضی اللہ عنہ نے جب دیکھا کہ بزرگ لرزہ براندام ہیں تو ارشاد فرمایا کہ خوف مت کرو۔ میں تمہارے رب کی طرف سے تمہارے لئے بہت بڑی خوشخبری لایا ہوں ۔ سارنگی والے کو جب آپ ﷺ کی زبان مبارک سے حق تعالی کے الطاف و عنایات کا علم ہوا تو اس مشاہدہ رحمت الہی سے اس پرشکر وندامت کا حال طاری ہو گیا۔ اپنے ہاتھ کو ندامت سے چبانے لگا اور اپنے اوپر غصہ ہونے لگا اپنی غفلت اور حق تعالی کی رحمت کا خیال کر کے ایک چیخ ماری اور کہا کہ اے میرے آقائے بےنظیر میں اپنی نالائقی اور غفلت کے باوجود آپ کی رحمت بے مثال کو دیکھ کر مارے شرم کے پانی پانی ہور ہا ہوں۔ جب سارنگی والا بزرگ خوب رو چکا اور اس کا درد حد سے گزر گیا تو اپنی سارنگی کو غصے سے زمین پر پٹخ کر ریزہ ریزہ کر دیا اور اس کو مخاطب کر کے کہا کہ تو نے ہی مجھے حق تعالی کی محبت و رحمت سے محجوب رکھا تھا۔ تو نے شاہ راہ حق سے میری رہزنی کی تھی تو نے ہی ستر سال تک میرا خون جگر پیایعنی تیری ہی وجہ سےلہوولعب اور نافرمانی کرتے کرتے بوڑھا ہو گیا۔ اس مرد پیر کی گریہ و زاری اور آہ و بکا سے حضرت عمر رضی اللہ عنہ کی آنکھیں بھی اشکبار ہوگئیں۔ آپ نے فرمایا اے شخص تیری یہ گریہ وزاری اب تیرے قلب و باطن کی صفائی کی دلیل ہے۔ 

تیری جان اب حق تعالی کے قرب سے زندہ اور روشن ہوگئی ہے۔ اللہ عزوجل کے حضور گنہگار کے آنسوؤں کی بڑی قدروقیمت ہے۔ 

که برابر می کند شا مجید      اشك را در وزن با خون شهید

حق تعالی گنہگار بندے کے ندامت سے نکلے ہوئے ایک آنسو کو شہید کے قطرة 

خون کے ہم وزن رکھتے ہیں۔ 

حضرت عمر رضی اللہ عنہ صحبت مبارکہ کے فیض سے اسے نئی زندگی ملی اور 

ندامت کے آنسوؤں کے سبب الله تعالی نے اس پراپنافضل فرمادیا۔ 

ثمرات:  اپنی غلطیوں اور گناہوں پر نادم ہوکر تائب ہونے سے اللہ کریم معاف فرمادیتے  رب تعالی کے ہاں گناہ گار کے آنسوؤں کی بڑی قدروقیمت ہے۔ 

آن دم که دل بعشق دهی خوش دمے بود در کار خیر حاجت هیچ استخاره نیست 

وہ وقت کتنا مبارک ہوتا ہے کہ جس وقت دل کوحق تعالی کی محبت کا درد عطا ہوتا 

حق تعالی کی محبت میں حضرت ذوالنون مصری   پر عجیب حالت طاری ہوگئی۔ ایسی شورش و دیوانگی طاری ہوگئی تھی کہ آپ کی آہوں سے لوگوں کے کلیجے منہ کو 

آجاتے تھے۔ 

نعرۂ مسانه خوش می آیدم           تا ابد جاناں چنیں می بایدم

محبت میں بجز نالہ وفریاد کے کچھ اچھا نہیں لگتا گریہ وزاری اور تضرع سے حق تعالی کا راستہ بہت جلد طے ہوتا ہے۔ اس قدر قرب ہوتا ہے کہ سالہا سال کے مجاہدے سے وہ بات نصیب نہیں ہوئی حاکم وقت نے آپ کو قید میں ڈالنے کا حکم دے دیا۔ زندان جب آپ کو قید خانے کی طرف لے کر چلے تو آپ کے شاگرد اور مرید روتے ہوئے پیچھے پیچھے ہو لیے وہ کہتے کہ یہ کیسے ممکن ہے کہ ایسے کامل ولی پر جنون کا غلبہ ہواس میں کوئی ضرور راز پوشیدہ ہے۔ 

جب آپ کو قید خانہ میں ڈال کر دروازہ بند کر دیا گیا تو دوست احباب نے غور فکر شروع کیا کہ آخر کیا ماجرا ہے کہ اتنا بڑا شیخ قید خانے میں محصور کر دیا گیا ہے۔ معلوم ہوتا ہے کہ اپنے مہتاب باطن کو ابر جنون سے چھپانا چاہتے ہیں، اور عوام کے شر سے بچنے کے لئے یہ صورت اختیار کی ہے۔ اسی عقل وخرد سے پناہ جو ذوالنون مصری موبائل کے عشق و عرفان کی دولت کو جنون سمجھے۔ 

آخر کار ان سب نے زندان کی سلاخوں کے قریب آکر عرض کیا کہ حضور! ہم سب آپ کے چاہنے والے ہیں۔ آپ کے معتقد اور جانثار ہیں۔ آپ کی مزاج پرسی کے لئے حاضر ہوئے ہیں، اور حیران ہیں کہ کس نے آپ پر جنون کا الزام لگا دیا۔ آپ تو دریاۓ عقل ہیں۔ یہ اہل ظاہر آپ کے مقام قرب اور رفعت باطن سے ناواقف ہیں، اور آپ کو جنون و دیوانہ بکھتے ہیں۔ حالانکہ آپ تو عاشق ہیں ۔ ہم لوگ آپ کے محب اور دوست ہیں ………….دونوں عالم میں آپ   کو عزیز رکھتے ہیں۔ براہ کرم ہم پر اس راز کا انکشاف فرمادے ۔ آپ اس قید خانے میں اپنی جان کو کیوں مصائب وآلام میں مبتلا کر رہے ہیں۔ آپ کی ایسی حالت سے ہمارا دل کڑھتا ہے۔ راز کو اپنے دوستوں سے نہیں چھپایا کرتے ‘‘ 

حضرت ذوالنون مصری نے ان کی گفتگو میں بوئے اخلاص محسوس نہ کی آپ نے دل میں کہا آو ان کی وفاداری اور محبت کو آزمائیں۔“ امتحان اخلاص کے لئے ان کی طرف پتھر اٹھا کر دوڑے جیسے پاگل وحشت میں لوگوں کو مارنے کے لئے دوڑتا ہے۔ یہ معاملہ دیکھتے ہی سب لوگ ڈر کے مارے بھاگ کھڑے ہوئے۔ نے جب ان کو یوں بھاگتے ہوئے دیکھا تو ان کے اعتقاد ومحبت پر قہقہ لگایا اور فرمایا کہ اس درویش کے دوستوں کو دیکھو۔ ان کی وفا اور الفت کے دعوے سنو! ۔ ارے 

نادانو!تم محبت ودوستی کو کیا جانو

 کے کراں گیرد زرنج دوست دوست  رنج مغز و دوستی او را چو پوست 

سچا دوست دوست کے رنج و تکلیف سے کب کنار کشی کرتا ہے دوست کی دوستی تو پوست ہے اور دوست کی طرف سے رنج و تکلیف اصلی مغز ہے۔ 

دوست همچو زر بلا چوں آتش است             زر خالص در دل آتش خوش است 

دوست مثل سونے کے ہے اور بلا ومصیبت مثل آگ کے ہے۔ خالص سونا آگ 

کی تکلیف میں اور چمکتا ہے، اور خوش ہوتا ہے، اور عاشقی خام کا یہ حال ہوتا ہے۔ 

تو بيك زخم گریزانی زعشق        تو بجز نامی نمی دانی زعشق

اسے مخاطب ! جب ایک ہی زخم سےتوعشق سے مستعفی ہو گیا اور راہ فرار اختیار کر لی تو معلوم ہوا کہ تجھے ابھی عشق کی ہوا بھی نہیں گئی تو نے صرف عشق کا نام سن رکھا ہے۔ پس محبت کا راستہ آسان نہیں۔ 

جو حادثے یہ جہاں میرے نام کرتا ہے میرا شعور انہیں نذر جام کرتا ہے

فقیہ شہر نے تہمت لگائی صوفی پر یہ شخص درد کی دولت کو عام کرتا ہے 

ثمرات جومصیبت میں کام نہ آئے وہ دوست نہیں۔