حیرتِ مذمُوم اور حیرتِ محمود

حیرتِ مذموم

یہ حیرت جہالت کا نتیجہ ہوتی ہے اور تنزّلی کا سبب بنتی ہے۔

حیرتِ محمود

یہ حیرت علم کا نتیجہ ہوتی ہے اور عروج و ترقّی کا سبب بنتی ہے اہلِ طریقت نے اسکے مختلف مفہوم بیان فرمائے ہیں۔

*سالک پر اچانک طاری ہونے والی کیفیت ہے جو قلبِ عارفین پر تامل و حضور اور غور و فکر کرنے کے وقت وارد ہوتی ہے اور انہیں تامل و حضور اور گور و فکر سے دُور لیجاتی ہے۔[ کتاب اللمع ص 345]

واسطی علیہ الرحمۃ کہتے ہیں اچانک طاری ہونے والی حیرت ، حیرت سے مُنہ پھیر کر حاصل ہونے والے سکون سے کہیں بُلند رُتبہ ہے۔[ کتاب اللمع ص 345]

*سالک کا مرتبہِ احدیت میں محو ہونا اور تجلی اسم “ھو” کا مشاہدہ کرنا حیرت ہے۔ [اصطلاحاتِ صوفیہ]

*معرفت کی آخری منزل جہاں عارف مَا عَرَفْنَاکَ حَقَّ مَعْرِفَتِکَ[قول امام ابوحنیفہ رح](ترجمہ: ہم تیری معرفت کا حق نہیں ادا کرسکے جیسے کہ ادا کرنے کا حق تھا) کا اقرار کرتا ہے اور تجلیاتِ بلاکیف و جہت اور مشاہدہِ بلاحجاب کی وسعت سے بہرہ یاب ہوتا ہے صوفیاء اس مقام کو فنائے جذبہ سے بھی تعبیر فرماتے ہیں۔( ملخصًا مکتوباتِ معصُومیہ) *عارف کا پہلا درجہ حیرت سے شروع ہوتا ہے اور آخری درجہ بھی حیرت پر تمام ہوتا ہے پہلی حیرت شُکرِ نعمت میں ہوتی ہے اور دوسری حیرت فکرِ وصل میں ہوتی ہے

گزارش ہے کہ وہ یار جو یہاں ہیں اور ایسے ہی وہاں کے یار، ہر ایک ان میں سے خاص مقام پر رکا ہوا ہے۔ ان مقامات سے ان کے نکالنے کا طریق مشکل ہے۔ بندہ اس قدر طاقت جو اس مقام کے مناسب ہے اپنے آپ میں نہیں پاتا۔حق سبحانہ و تعالی حضور کی توجہ کی برکت سے ترقی بخشے۔

اس خاکسار کے خویشوں میں سے ایک آدمی اس مقام سے گزر کرتجليات ذاتی کی ابتداء تک پہنچ گیا ہے۔ اس کا حال بہت اچھا ہے۔ خاکسار کے قدم پر قدم رکھتا ہے۔ دوسروں کے حق میں بھی امیدوار ہے۔

دوسرا یہ عرض ہے کہ وہاں کے یاروں میں سے بعض یار مقربین(وہ اولیائے کاملین جو ذکر و فکر، مراقبات، تجرید و تفرید، فنا و بقا اور استہلاک و استغراق کے ذریعے منازلِ سلوک طے کرتے ہوئے واصل باللہ ہوں وہ مقربین کہلاتے ہیں) کے طریق کے ساتھ مناسبت نہیں رکھتے۔ ان کے حال کے موافق ابرار (وہ اَولیائے کرام جو احکامِ شرعیہ پر عمل کرنے کے علاوہ مجاہداتِ شدیدہ اور ریاضاتِ شاقّہ کے ذریعے مراتب سلوک طے کرکے واصل بحق ہوں ابرار کہلاتے ہیں)کا طریق ہے۔ غرض جو یقین کہ انہوں نے حاصل کیا ہے وہ بھی غنیمت ہے۔ اسی طریق پرحکم فرمانا چاہئے ۔

ہر کسے راہ بہر کا رے ساختند     ترجمہ ہر ایک کسی  کے واسطے ایک کام ہے

 مفصل طور پران کے نام لکھنے میں اس واسطے جرأت نہ کی کہ حضور سے مخفی نہ ہوں گے اس واسطے زیادہ گستاخی نہ کی۔

عریضہ لکھنے کے دن میر سید شاہ حسین نے اپنی مشغولی و مراقبہ میں ایسا دیکھا کہ گویا ایک بڑے دروازہ پر پہنچا ہے۔ وہ کہتا ہے کہ وہ دروازہ حیرت (سالک کا مرتبہ احدیت میں محو ہو جانا اور تجلی اسم ھو کا مشاہدہ کرنا اس کے لیے مقام حیرت ہے)ہے اس کے اندر جو نظر کرتا ہے۔ .

 حضورﷺکو اور اس خاکسار کو دیکھتا ہے اور ہر چند کوشش کرتا ہے کہ اپنے آپ کو اس کے اندر ڈالے لیکن اس کے پاؤں یاری نہیں کرتے۔

مکتوبات حضرت مجدد الف ثانی دفتر اول صفحہ39 ناشر ادارہ مجددیہ کراچی