لوہا اگرچہ کالا اور بے نور ہوتا ہے، مگر صیقل ہوکر اس کی کالک صاف ہوجاتی ہے، مزید صیقل ہوکر لوہا خوبصورت بن جاتا ہے کہ اس میں آئینے کی طرح صورتیں دیکھی جاسکتی ہیں،  گر تیرا خاکی جسم بھی آلودہ ہوچکا ہے تو اسے صیقل کر، وہ صیقل قبول کرنے والا ہے، تاکہ اس میں غیبی صورتیں نظر آئیں، حور و ملائک  کا عکس جھلکے، تجھے اللہ نے عقل کا صیقل اسی لیے دیا ہے کہ تو اس کے ذریعے دل کا ورق روشن  کرے

صد هزاران سال ابلیسِ لعین بود ز ابدال و امیر المؤمنین
پنجه زد با آدم از نازی که داشت گشت رسوا همچو سَرگین وقتِ چاشت
پنجه با مردان مزن ای بُوالْهَوَس برتر از سلطان چه می‌رانی فرَس

اِبلیسِ لعین صد ہزاروں سال تک ابدال میں سے تھا اور امیر المؤمنین تھا۔ [لیکن] اُس کو جو غرور و تکبُّر تھا، اُس کے باعث اُس نے آدم سے پنجہ لڑایا، [اور نتیجتاً] وہ چاشت کے وقت کے گوبر کی مانند رُسوا ہو گیا۔ اے [شخصِ] بُوالْہَوَس! مردانِ [خدا] کے ساتھ پنجہ مت لڑاؤ!۔۔۔ سُلطان سے برتر و تیزتر تم اسْپ کس لیے دوڑاتے ہو؟

نور نور چشم خود نور دلست نور چشم از نور دلہا حاصلست
باز نور نور دل نور خداست کو ز نور عقل و حس پاک و جداست

نگاہ کا نور ، دل کا نور ہے۔دل کے نور سے نگاہ کا  نور   حاصل ہوتا ہے، پھر دل کی بصیرت کا نور خدا کا نور ہے، جو عقل و حواس کے نور سے پاک اور جُدا ہے۔

کاملے گر خاک گیرد زر شود ناقص ار زَر بُرد خاکستر شود

کامل انسان خاک پکڑےتو سونا بن جائے۔ ناقص اگر سونا لے لے تو خاک ہو جائے۔

مردہ بُدم زندہ شُدم، گریہ بدم خندہ شدم دولتِ عشق آمد و من دولتِ پایندہ شدم

میں مُردہ تھا زندہ ہو گیا، گریہ کناں تھا مسکرا اٹھا…. دولتِ عشق کیا ملی کہ میں خود ایک لازوال دولت ہو گیا

صحبت صالح ترا صالح کند صحبت طالح ترا طالح کند

نیک لوگوں کی صحبت نیک بنا دیتی ہے اور بُرے لوگوں کی صحبت بُرا بنا دیتی ہے

یک زمانہ صحبت با اولیا بہتر از صد سالہ طاعت بے ریا

اللہ کے ولی کی صحبت کے چند لمحے سو سال کی بے ریا عبادت سے بہتر ہیں

ہمنشینی مُقبلاں چوں کمیاست چوں نظر شاں کیمائے خود کجاست

بارگاہ حق کے مقبول بندوں کی ہم نشینی تو سونا ہے، بلکہ ان لوگوں کے نظر کے مقابلے میں سونا خود کچھ نہیں۔

اولیا را ہست قدرت از الہ تیر جستہ باز آرندش راہ

اللہ کے ولیوں کو رب کی طرف سے طاقت ملتی ہے کہ وہ کمان سے نکلے ہوئے تیر کو بھی واپس کر دیتے ہیں یعنی ان کی نظر تقدیر بدل دیتی ہے

یکی آهن بُدم بی‌قدر و قیمت تواَم آیینه‌ای کردی زُدودی

میں ایک بے قدر و قیمت آہن تھا۔۔۔ تم نے صَیقل کیا [اور] مجھ کو اِک آئینہ کر دیا۔

هر که از اُستا گُریزد در جهان او ز دولت می‌گُریزد این بِدان
جان لو کہ دُنیا میں جو بھی شخص مُعلِّم سے [دُور] بھاگتا ہے، وہ [گویا] خوش بختی و اقبال مندی سے [دُور] بھاگتا ہے۔

ایا تبریز خاکِ توست کُحلم که در خاکت عجایب‌ها فنون است

اے تبریز! تمہاری خاک میرا سرمہ ہے؛ کیونکہ تمہاری خاک میں حیرت انگیز فُنون ہیں۔

ہر کجا ویراں بوَد آنجا اُمیدِ گنج ہست               گنجِ حق را می نجوئی در دلِ ویراں چرا؟

جہاں کہیں بھی ویرانہ ہو وہاں سے خزانہ ملنے کی امید ہوتی ہے، تو پھر تُو ویران اور ٹوٹے ہوئے دلوں میں حق کے خزانے کی تلاش کیوں نہیں کرتا؟

آپ 40 علماء کو ایک دلیل سے ہرا یا خاموش کر سکتے ہیں لیکن ایک جاہل کو 40 دلیلوں سے بھی نہیں ہرا سکتے

اس وقت تک مولائے روم نہ بنا جب تک شمس تبریز کا وہ غلام نہ ہوگیا۔ تو بھی نیک صحبت کو لازم پکڑ لے۔

 گفتگو سےسمجھ بوجھ میں اضافہ ہوتا ہے لیکن تنہائی وہ مدرسہ ہے جہاں عظیم ذہن بنتے ہیں۔

 اگر ہماری جان یادخدا میں بیدارنہیں تو یہ بیداری ہمارے لئے قید خانہ ہے۔

 وفا ایک ایسا دریا ہے جو کبھی خشک نہیں ہوتا۔

اگر بیکار پتھر ہے تو کسی صاحب علم کےپاس جا گوہر بن جائیگا۔

 زندگی کے لمحات کو غنیمت جانو! بہت جلدع یہ تم سے چھن جائیں گے۔

 اگر تو حضرت آدم علیہ السلام  کی پشت میں سے ہے تو پھر جستجو میں رہ………. دل کی آگ اور آنکھ کے پانی سے اپنی روح کی غذا تیار کر

 ہر کوئی اپنے دل کے صاف حصے میں اس آن دکھے کو دیکھتا ہے اور اس کا انحصار اس بات پر ہے کہ اس نے اپنے دل کے آئینے کو کس قدر چمکا رکھا ہے۔ جس نے اسے زیادہ چمکا رکھا ہے اسے زیادہ نظر آتا ہے اور اسے اس ان د کھے کی زیادہ شکلیں واضح ہو کر نظر آتی ہیں۔

 اصل فقیر ہمیشہ شریعت محمدی ﷺ کا پابند ہوتا ہے کیونکہ شریعت کی پابندی کے بغیر شریعت عین مکاری ہے۔

 اہل علم کاعلم انہیں اٹھاتا ہے اور اہل تن کے علوم ان کیلئے بوجھ ہیں۔

 اپنے امتیاز اور انفرادیت کے شعلے سے بچنے کا طریقہ یہ ہے کہ کسی دانشمند کی زیارت کی جائے۔

 تم سینکٹروں فواروں سے غٹا غٹ پی رہے ہو اور جب ان میں سے کوئی ایک کم ہو جاتا ہے تو تمہاری خوشی کم پڑ جاتی ہے لیکن جب تمہارے اندر ہی ایک چشمہ پھوٹتا ہے تو دوسرے فواروں کی جانب دیکھنے کی ضرورت باقی نہیں رہتی۔

 جب دروازہ کھلا ہوا ہے تو تم اس طرح قید خانے میں کیوں پڑے ہو؟

کھرا اور کھوٹا سونا بغیر کسوٹی پر پرکھے قابل اعتبار نہیں۔

 سورج کی تعریف دراصل اپنی آنکھوں کی تعریف ہے۔

 جب آپ کوئی کام روح کی گہرائیوں سے کرتے ہیں تو آپ اپنے جسم و جاں میں لطف و انبساط کا ایک دریا رواں محسوس کرتے ہیں۔

 ہرفردموت سے خوف زدہ ہے لیکن حقیقی صوفی اس پر قہقہے لگاتا ہے۔ کوئی چیز ان کے دلوں کو تکلیف نہیں پہنچاسکتی کیونکہ سیپ سے خواہ کچھ بھی ٹکرائے موتی کوکسی قسم کا نقصان نہیں پہنچتا۔

 صرف رسمی تعلیم کا مقصدروحوں کو تباہ کرنا ہے۔

 دوستی کی کشتی میں پہلا سوراخ شک کا ہوتا ہے۔

درویشوں کے علاوہ دنیا کے باقی لوگ بچوں کی مانند ہیں جو دنیا کے کھیل میں مگن ہیں

 مال و دولت کی فراوانی مزید کی خواہش کو جنم دیتی ہے اور لوگ ان خواہشات سےچپک کر رہ جاتے ہیں۔ یہ خواہشات غربت کے ڈر سے مز ید کالالچ پیدا کر دیتی  ہیں

جب خدا ہماری مدد کرنا چاہتا ہے تو ہمیں انکساری کی طرف مائل کر دیتا ہے۔ محبت کی تلاش آپ کاہدف نہیں بلکہ آپ کا ہدف ان رکاوٹوں کو تلاش کرنا ہے جو  آپ نے اس جذبے کے خلاف کھڑی کر لی ہیں۔

 عاشق کو بے توقیر، جنونی، غائب دماغ ہی رہنے دو، کوئی سنجیدہ بدترین صورت حال کے بارے میں سوچ لے گا۔ عاشق کو یونہی رہنے دو۔

 محبت کو دیکھ یہ پیار میں مبتلا ہونے والے کو کس طرح جکڑ لیتی ہے۔

 ہستی کا آئینہ فنا ہے۔فنا اختیار کرتا کہ توہستی کو دیکھ لے۔

 بلبل کو اس کی سریلی آواز اور میٹھے گیت کیلئے پنجرے میں قید کر دیا جاتا ہے، کیا کسی نے سنا ہے کہ کبھی کسی نے کوے کو پنجرے میں ڈالا ہو۔

 میرے دوست! صوفی تو موجود لمحے کا ہی دوست ہوتا، کل کی بات کرنا ہمارا طریق نہیں۔

 کوئی آئینہ دوبارہ لو ہے میں نہیں بدلتا، روٹی دوبارہ گندم نہیں بنتی، پکاہواانگور پھر سے کھٹا نہیں ہو جاتا۔ اسی طرح اپنے آپ کو بالغ بنالواور بری تبدیلی سے محفوظ ہو جاؤ۔ ایک روشنی بن جاؤ۔

ایسے دکھو جیسے تم ہو یا ایسے رہو جیسے تم دیکھتے ہو۔

دوست وہ ہے جو ہمیں اس وقت پسند کرے جب تم کچھ بھی نہ ہو۔

 دشمن ہمیشہ دماغ کے منتخب کرو اور دوست ہمیشہ کردار کے۔

 جہاز میں اسباب بھرواور روانہ ہو جاؤ کیونکہ اس بات کا کسی کوعلم نہیں ہوتا کہ جہاز بیچ سمندر ڈوبے گایا ساحل پر جا پہنچے گا۔ باخبر لوگ کہتے ہیں: ہم اس وقت تک کچھ نہیں کریں گے جب تک ہمیں یقین نہ ہو جائے، لیکن اس بات کو تاجر اچھی طرح جانتے ہیں کہ اگر وہ کچھ نہیں کریں گے تو نقصان اٹھائیں گے لہذا ان تاجروں میں اپنا شمار مت کرو جو سمندر کے خطرات کا خدشہ نہیں مول لیتے۔

 اگر تو غرور کو اپنے سر سے نہیں نکالے گا تو بعد میں آنے والے لوگ تیرے حال سے عبرت حاصل کریں گے۔

جب پیاس کے وقت آپ پیاس بجھانے کیلئے پیالے پر جھکتے ہیں تو اس میں اللہ نظر آتا ہے لیکن جنہیں اللہ سے محبت نہیں انہیں صرف اپناہی چہرہ نظر آتا ہے۔

 بعض اوقات دوست دشمن اور دشمن، دوست بن جاتے ہیں۔

اگر تمہاری انا تمہاری رہنما ہے تو پھر مدد کیلئے قسمت کی طرف مت دیکھو، دن کو تم سوئے رہتے ہو اور راتیں مختصر ہیں ممکن ہے جب تم جا گوتو زندگی کی شام ہو چکی  ہو

 بہت سے لوگ آگ سے بچنے کی کوشش کرتے رہتے ہیں اور انجام کار اس میں جا گرتے ہیں۔

جس خوبصورتی سے ہم پیار کرتے ہیں اس خوبصورتی کو اپنے عمل میں ڈھال لینا چاہئے

 اپنے آپ خاموشی کے ساتھ اس بھر پورکشش کی جانب کھنچنے دو جس سے تم حقیقی پیار کرتے ہو۔

 ایک اجنبی ہونے کے باوجود آپ دن بھر جنونی قسم کی محبت کے الفاظ سنتے ہیں۔ شہد کی مکھی کی طرح تم بھی سینکڑوں گھر شہد سے بھر لیتے ہو اگر چہ تمہیں یہاں سے ایک لمبی اڑان بھر جانا ہے۔

 صرف دل سے ہی تم آسمان کو چھو سکتے ہو۔

 جس طرح تمہارا نور ایمان کافروں کی آگ بجھا دیتا ہے اسی طرح شہوت کی آگ کو خدا کا نور بجھادیتا ہے۔ 

صبرخوشی کی چابی ہے۔

 دنیا دار لوگ اپنے گریباں میں نہیں جھانکتے اس لئے دوسروں پر تہمت لگاتے ہیں

اچھابو لنے کیلئے پہلے اچھاسنناضروری ہے۔ ایک انسان کو پہلےسننا چاہیے اوراسی  سے بولنے کا فن سیکھنا چاہیے۔ 

کھانے کے ایک لقمے میں ایک بال یاریت کا ذرہ آ جائے تو پورا نوالہ پھینک دیا جاتا ہے پھر تمہاری روح کیسے آلودہ غذا برداشت کرسکتی ہے۔

 برائی دل کو تکلیف میں مبتلا کرتی ہے اور سچ سے فرحت بخش طمانیت حاصل ہوتی ہے۔

زہین خودمختاری اور پچہ مٹھائی چاہتا ہے۔

  میانه روی یعنی درمیانی راہ ہی عقلمندی ہے۔

لازوال خوبصورتی صرف دل کی خوبصورتی ہے۔

 یپاس مجھےکھینچ کرنیچے گہرائی میں پانی تک لے گئی جہاں میں نے چاندنی ( چاند کاعکس)پی لی۔

 جس طرح تارے ریت کی مانند بکھرے ہوئے ہیں ہم بھی اسی طرح گھومتے ہوئے نسیت سے وجود میں آئے ہیں۔

 عیسائی، یہودی، مسلمان، شمانی، زارستانی، پتھر مٹی، پہاڑ، دریا ان میں ہر ایک 

کے ساتھ ایک خفیہ راز منسلک ہوتا ہے ایسا اچھوتا بھيد جسے محسوس نہیں کیا جاسکتا۔

 حلال لقمہ کے منہ میں آنے سے عبادت کا رجحان اور آخرت میں جانے کا پختہ یقین پیدا ہوتا ہے۔ ہم اندر کی موسیقی کو بہت کم سنتے ہیں لیکن اس کے باوجود اس کی تھاپ پر رقصاں رہتے ہیں۔

 تم سائے کومتبادل جسم سمجھ لیتے ہو۔

 بھوکا شیرزیادہ خطرناک ہوتا ہے۔

 کوئی چیز ہمارے پرکھولتی ہے۔ کوئی چیز بوریت اور دکھ پیدا کرتی ہے۔ کوئی ہمارے سامنے رکھا پیالہ بھر دیتی ہے لیکن ہم صرف تقدس کا ذائقہ چکھتے ہیں۔

 وہ اس انسان جیسا ہے جو چراغ لے کر سورج ڈھونڈنے نکلتا ہے۔

 الله تعالی کی جانب سے مصائب تنبیہ کرنے کیلئے آتے ہیں، یہ عین رحمت ہوتے ہیں تا کہ تجھے غفلت سے بیداری حاصل ہو۔

 میں نے تمام دن اس پرغور کیا، رات کو اس پر گفتگو کی کہ میں کہاں سے آیا ہوں اور میری تخلیق کا مقصد کیا ہے؟ مجھے کوئی نکتہ نہ سوجھا، میری روح کسی نامعلوم مقام سے آئی ہے مجھے یقین ہے کہ انجام کار یہ پھر وہیں لوٹ جائے گی۔

 چراگاہ میں درخت اور پودا ناچتا ہوا دکھائی دیتا ہے جنہیں عام نظریں ساکت و صامت کھڑے دیکھتی ہیں۔

 اگر تیرے پاس ڈھال نہیں تو تلوار کے سامنے مت آ کیونکہ تلوار اگر تیز ہوتو یہ کاٹنے سے نہیں شرماتی۔

 اپنے اردگرد رونما ہونے والی باتوں کا مشاہدہ کرو لیکن ان کا دعوی مت کرو، متحرک صناعی قدرت دیکھو اور خاموش رہو۔

 یہ دنیا تمہاری جانوں کا قید خانہ ہے، خبردار اس جانب دوڑو جو خدا کا میدان ہے، اس لئے کہ یہ عالم محدود اور اللہ لامحدود ہے۔

سبب بادشاہ کے سامنے ایک ادنی افسر کی طرح ہوتا ہے جو اس کے سامنے آنے پر بے اختیار ہوکر چھپ جاتا ہے۔ سبب اللہ کی جانب سے ایک سایہ ہے اور اللہ ایک آفتاب۔

ڈر کی سوچ اورکشمکش سے باہر نکلو اور خاموشی میں زندہ رہو!

اپنی ہشیاری  بیچ ڈالو اورکم فہی خرید لو

میں ایک معدنی موت مرا، پھر ایک پودا بن گیا۔ پودا بن کر مرا اور ایک جانور کی صورت میں اٹھا، پھر جانور کی موت مرا اور انسان کے روپ میں جنم لیا، پھر مجھے کس چیز کا خوف ہے؟ موت نے مجھ میں کون سی کمی واقع کی ہے؟ 

 ہوسکتا ہے اطمینان میرے دور چلے جانے میں ہو اور جب میں جا کر واپس لوٹوں گا تو اسے اپنے گھر میں پالوں گا۔

ہم پیاسا ہونے اور پانی کی پکار کی جانب بڑھنے سے اپنے آپ کو روک نہیں سکتے

 ابد نے اپنی طاقتور نگاہوں سے ایک لمحے کیلئے مجھے دیکھا اور پھر اپنے وجود میں سمولیا اور وہ اپنے جوہر میں مجھ پر عیاں ہو گیا میں نے دیکھا کہ میرا وجود اس میں باقی ہے۔

میں تمہاری روشنی میں محبت کرنا سیکھتا ہوں تمہاری خوبصورتی میں غزل کہنا سیکھتا ہوں تم میرے سینے میں رقص کرتے ہو ، جہاں تمہیں کوئی نہیں دیکھ سکتا۔

 خاموشی اللہ کی زبان ہے اور اس کے علاوہ سب کچھ ایک کمزور تر جمے کی حیثیت رکھتا ہے

 ایک دن تم میرادل پوری طرح سے لے لو گے اور اسے ایک اژدھے سے زیادہ خطرناک بنا دو گے۔ تمہاری آنکھیں میرے دل پر وہ غزل لکھیں گی جسے کسی شاعر کاقلم بھی نہیں لکھ سکتا۔

 اس سے زیادہ خوش قسمت کون ہوسکتا ہے جو ایک جھیل کنارے آتا ہے اور پانی میں چاند کاعکس دیکھ لیتا ہے۔ 

کیا تم نے اپنے چہرے کی خوبصورتی دیکھی ہے؟ اس خیال کو اپنے دل سے نکال دوجو تمہیں خود سے جنگ پر مجبور کرتا ہے۔

اب میں سنجیدہ و متین ہوں صرف تکان اور پیارکی یا دباقی رہ گئی ہے۔ 

 زمین آسمان کے آگے سرنگوں ہے اور اس کی طرف سے جو کچھ آتا ہے قبول کرتی ہے۔ مجھے بتاؤ! کیا زمیں اسی طرح دینے کی وجہ سے بری ہے؟

 میں ایک حقیر کیڑے کی مانند تھا لیکن اب پہاڑ ہو گیا ہوں۔ مجھے پیچھے چھوڑ دیا گیا تھا لیکن تو نے میری بھوک اور غصے کا علاج کیا اور مجھے خوشی کے نغمے گانے والا شاعر بنا دیا۔ 

آدمی کی اصل ماہیت عقل و شعور و ادراک ہے ورنہ رہا جسم تو وہ گدھے کے پاس بھی ہے۔

سفر دراز نباشد بہ پائے طالبِ دوست کہ خارِ دشتِ محبت گُل است و ریحان است
طالبِ دوست کے (اُٹھے ہوئے) قدموں کے لیے سفر دراز اور مشکل نہیں ہوتا کیونکہ دشتِ محبت کے کانٹے بھی پھول اور نرم و نازک خوشبو دار سبزے کی طرح ہیں۔

کسے را کہ شیطاں بَوَد پیشوا                       کجا باز گردد براہِ خدا

جس کا راہ نُما شیطان ہو، وہ کب خدا کی راہ پر واپس آتا ہے۔

کس دل به اختیار به مهرت نمی‌دهد دامی نهاده‌ای که گرفتار می‌کنی
کوئی بھی قصداََ دل تیری محبت میں نہیں دیتا۔ تو نے کوئی دام (جال) بچھایا ہوا کہ تو گرفتار کرلیتا ہے۔

شادمانی مکُن که دُشمن مُرد تو هم از مرگ جان نخواهی بُرد

[اِس چیز پر] شادمانی مت کرو کہ دُشمن مر گیا۔۔۔ [کیونکہ] تم بھی مَوت سے جان بچا نہیں لے جاؤ گے۔۔۔

گر سنگ ہمہ لعلِ بدخشاں بودے پس قیمتِ لعل و سنگ یکساں بودے
اگر سارے پتھر ہی لعلِ بدخشاں ہوتے تو پھر پتھر اور لعل کی ایک جیسی قیمت ہوتی۔

به کسی نِگر که ظُلمت بِزُداید از وُجودت نه کسی نعوذُ بِالله که در او صفا نباشد
کسی ایسے شخص پر نگاہ کرو کہ جو تمہارے وُجود سے ظُلمت کو محْو و صاف کر دے،

مست می عشق را ۔۔۔ عیب مکن سعدیا مست بیفتی تو نیز گر ہم از این می‌چشی

ا ے سعدی تو ان عشق کے سرمستوں کی عیب جوئی نہ کر۔اگر تو ان کےذوق کا آشنا ہوجائے تو تو بھی انہی کی طرح سرمست ہو جائے گا ۔

کسی پر نہ اتنی سختی کر کہ وہ تجھ سے بیزار ہو جائیں اور نہ اتنی نرمی کر کہ وہ تم پر سوار ہو جائیں ۔ اعتدال پسندی اختیار کرو۔

لوگوں کے چھپے عیب ظاہر نہ کرو کیونکہ تو ان کو ذلیل کرے اور خود کو بھروسے کے نا قابل بنائے گا۔

 جو بزرگوں سے لڑتا ہے وہ خودا پناخون گراتا ہے۔

 نفس پرور سے ہنر پروری نہیں ہو سکتی اور بے ہنر سرداری کے قابل نہیں

جس کو ایک مدت کے لیے دوست بنا مناسب نہیں کہ اس کو ایک لمحہ میں رنجیدہ کردیں اس سے لاتعلقی بھی آہستہ آہستہ ہونی چاہیے یک دم نہیں۔

موتی اگر کیچڑ میں گر جائے تو بھی وہ موتی ہی ہے اور قیمتی ہی ہے اور گرد اگر آسمان پر بھی چڑھ جائے تو بھی گردہی ہے اور بے قیمت ہے۔

 جو گنہگار دعا کے لیے اللہ تعالی کے حضور میں دست دعا بلند کرتا ہے وہ مغرور عبادت گزار سے بہت اچھا ہے۔ توبہ کر لینا بہتر ہے۔

 جوآدمی سوچ کر بات نہیں کرتا وہ اس کے جواب پر بگڑتا ہے۔

 جب آمدنی نہ ہو تو تھوڑا تھوڑا خرچ کر کیوں کہ ملاح گایا کرتے ہیں کہ اگر بارش نہ ہو تو دریاۓ دجلہ بھی ایک سال میں خشک ہو جاتے ہیں۔

 وہ دونوں انسان ملک اور دین کے دشمن ہوتے ہیں۔

ایک وہ بادشاہ جس میں حلم اور بردباری نہ ہو۔

اور دوسرا وہ عابد جس میں علم نہ ہو۔

تین چیزوں کی بقا نہیں ہے۔

۔ مال کو تجارت کے بغیر۔

علم کو بحث کے بغیر۔

مالک کو تدبیر کے بغیر۔

 علم دین کی خدمت اور اشاعت کے لیے ہے نہ کہ دنیا کمانے کے لیے۔

 بادشاہوں کو وہی شخص نصیحت کر سکتا ہے جس کو نہ سرکا خوف ہو نہ زر کی تمنا اور لا لچ  یعنی بے خوف و خطر آدمی۔

 جو کمزور پر رحم نہیں کرتا وہ زبردستوں کے ظلم میں پھنستا ہے۔

 اگر چہ  کوئی بے موت نہ مرے گا لیکن تو خود اژدہوں کے منہ میں نہ جانا یعنی مصیبت کو خود دعوت نہ دینا۔

 جونصیحت غرض سے خالی ہو کڑوی دوا کی طرح مرض کی دافع ہے۔

 جوذات تجھے مال دار نہیں بنارہی وہ تیری مصلحت تجھ سے بہتر جانتی ہے۔

 لالچی کے لیے اپنا دروازہ نہیں کھولنا چا ہے اگر کھل گیا تو پھر بند نہ ہوگا

 دوست وہی ہے جو دوست کی پریشان حالی اور عاجزی کو دیکھ کر مدد کرے۔

 اگر مالدار بننا چاہتے ہو تو سوائے قناعت کے کچھ طلب نہ کرو۔

 اگر کوئی مانگنے والا عاجزی سے تجھ سے مانگے تو اس کو دے دے ورنہ کوئی ظالم زور سے لے لے گا۔

 شر پھیلانے والا خود بھی شر میں پھنس جاتا ہے۔

 فقیر کی ستر پوشی کرنا کہ خدا کا پردہ تیرا ستر پوش ہو۔

 برائی کا بدلہ برائی سے دینا آسان ہے اگر نوجوان مرد ہے تو برائی کا بدلہ احسان اور نیکی سے دے۔

جسم کی طاقت خوراک سے نہ سمجھ اس لیے کہ الله تعالی کی مہرانی پرورش کرتی ہے۔

 اگر تو اپنے آپ کو نیکوں میں گنتا ہے تو بد ہے اس لیے کہ خدائی میں خودی نہیں سماتی۔

 جس کے سر میں غرور ہو اس کے بارے میں ہرگز یہ خیال نہ کرو کہ وہ سچی بات سن لے گا۔

 اگر برائی تجھے ناپسند ہے تو خود نہ کر پھر پڑوسی سے کہ کہ نہ کرے۔

 دشمن کا مشورہ مانتا خطا لیکن سننا روا ہے۔

 اگر کام زر سے نکل سکے تو جان کو خطرے میں نہ ڈالو۔ .

زبان بریده به کنجی نشسته صم بکم به از کسی که نباشد زبانش اندر حکم

 زبان کٹا ہوا اور گوشہ تنہائی میں بہرا گونگا بن کر بیٹھا ہوا انسان اس سے بہتر ہے جس کی زبان قابو میں نہ ہو۔

جس کا حساب پاک ہے اس کو محاسبہ سے کیا ڈر۔

 جہاں پھول ہے وہاں کا نٹا بھی ہوگا۔

جس نے علم حاصل کیا اورعمل نہ کیا وہ اس آدمی کی مانند ہے جس نےہل چلایا اور کچھ نہ بویا۔

. بہت سے کام صبر سے نکلتے ہیں اور جلد باز منہ کے بل گرتا ہے۔

 جو آدی اچھے وقتوں میں بھلائی نہیں کرتا وہ برے وقتوں میں دکھ اٹھاتا ہے۔

 جوشخص بروں کی صحبت میں بیٹھتا ہے وہ بھی سکھ نہیں پاتا

 استاد کی سختی باپ کے پیار سے بہتر ہے۔

 بسیارخور ہمیشہ ذلیل ہوتا ہے۔

 لوگوں کے چھپے عیب ظاہر نہ کر کیونکہ تو ان کو ذلیل کرے گا اور خود کو بھروسے کے نا قابل بنائے گا۔

 شیرسے پنجہ آزمائی کرنا اور تلوار پر مکامارنا عقلمندوں کا کام نہیں۔

 لوگوں کو ستانے والے سے زیادہ بد نصیب کوئی نہیں ہے۔ اس لیے کہ مصیبت کے وقت اس کا کوئی ساتھی نہیں ہے۔

 جوسخی کھائے اور دے اس عبادت گزار سے بہتر ہے جو لے جائے اور جمع  کرے۔

بے نماز کو قرض مت دوخواہ فاقہ سے اس کا منہ کھلا ہوا ہو اس لیے کہ جو خدا

کا قرض ادا نہیں کرتا اسے تیرے قرض کی فکر بھی نہ ہوگی

 جو زندگی میں لوگوں کو روٹی نہیں کھلاتا جب وہ مر جاتا ہے تو لوگ اس کا نام بھی نہیں لیتے۔

نیک انجام فقیر بدانجام بادشاہ سے بہتر ہے۔

 اگر تجھے میری عادت ناگوار ہے تو تو اپنی اچھی عادت ہاتھ سے نہ جانے  دے

 سونا کان سے کان کنی کے بعد نکلتا ہے اوربخیل کے ہاتھ سے جانکنی کے بعد۔

 امیر وزیر اور بادشاہ کے دروازوں کا چکر بغیر کسی وسیلہ کے نہ کاٹ۔

 حسین چہرہ کو بناؤ سنگھار کرنے کی ضرورت نہیں۔

 آدمیت جوانمردی اور مہربانی کا نام ہے حسین شکل وصورت کا نام نہیں۔

کوئی شخص روزی اپنی لیاقت اور طاقت سے نہیں حاصل کرتا۔ اللہ سب کا رازق ہے۔

بڑے بڑے متکبروں اور سرکشوں کو بھی خدا کے سامنے جھکے بغیر چارہ نہیں۔

خداوند تعالٰی متحمل بھی ہے اور رحیم و کریم بھی۔ وہ گناہ گاروں کو توبہ کے لئے مہلت دیتا ہے۔ توبہ کرنے والوں کو دامن رحمت میں ڈھانپ لیتاہے۔

نطفے کو خوبصورت انسان بنا دینا اللہ تعالٰی کی قدرت کا اعجاز ہے۔ پانی کی بوند پر ایسے نقش و نگار کوئی نہیں بناسکتا۔

جب تو خدا سے مغفرت و عطا کا طالب ہے تو جن لوگوں کی امیدیں تیری ذات سے وابستہ ہیں تو انہیں بھی محروم و مایوس نہ کر۔

جیسا سلوک تو مخلوق خدا سے کرے گا ویسا ہی سلوک خدا تیرے ساتھ کرے گا۔

حقیقی بڑا تو وہ ہے جو اپنے ہر چھوٹے کو پہچانتا ہو اور اس کی ضروریات کا خیال رکھتا ہو۔

جس مظلوم کو بادشاہ سے انصاف نہ  مل سکے اسے خدا انصاف دلاتا ہے

آخرت میں نیکیوں کے مطابق مرتبے ملتے ہیں اس لئے نیکی کرو۔

جو شخص کوشش اور عمل میں کوتاہی کرتاہے پیچھے رہنا اس کا مقدر ہے۔

مصیبت میں حوصلہ نہیں ہارنا چاہئے۔ ہمت سے اس کامقابلہ کرنا چاہئے۔ ہمت طاقت سے زیادہ کام کرتی ہے۔

احساس کیا ہے؟ دوسروں کی تکلیف کو اپنی تکلیف سمجھنا۔

منصف اور عادل کو اللہ اپنے عرش کے نیچے سایہ دے گا

آدمی وہ ہے جس کی ذات سے دوسروں کو فائدہ پہنچے ورنہ پتھر ہے۔

نیکی کرنے والا نیکی کا صلہ ضرور پاتا ہے

بے رحم انسان نہیں درندہ ہے۔

نیک نیت کی وجہ سے کام نیک اور بری نیت کی بدولت برا ہوجاتاہے۔

مظلوم کی تکلیف تو چند ساعت کی ہوتی ہے مگر ظالم ابدی مصیبت میں مبتلا ہوجاتا ہے۔

نصیحت اگرچہ ناخوشگوار ہوتی ہے لیکن اس کا انجام خوشگوار ہوتاہے۔

ظالم جب تک ظلم نہیں چھوڑتا اس کے حق میں کوئی دعا قبول نہیں ہوتی۔

دنیا بے وفا اور انتہائی ناقابل اعتبار ہے اس سے فائدہ وہی شخص اٹھاتاہے جو اسے مخلوق خدا کی اصلاح اور فلاح میں لگا دیتاہے۔

دولت کو صدقہ جاریہ میں لگاؤ آخرت میں کام آئے گی۔

زندگی کا راز صبر میں پوشیدہ ہے ۔

 اگر تم چاھتے ہو کے تمہارا نام زندہ رھے تو اولاد کو اچھے اخلاق سکھلاؤ ۔

اگر چہ انسان کو مقدر سے زیادہ رزق نہیں ملتا۔ لیکن رزق کی تلاش میں سستی نہ کرو۔

 جو شخص دوسروں کے غم سے بے غم ہے  آدمی کہلانے کا حقدار نہیں ہے ۔

 دشمن سے ھمیشہ بچو اور دوست سے اسوقت تک جب تک وہ تمہاری تعریف کرنے لگے۔

 اگر چڑیوں میں اتحاد ہو جاۓ تو وہ شیر کی کھال اتار سکتی ہیں۔

 عقل مند اسوقت تک نہیں بولتا جب تک خاموشی نہیں ہو جاتی ۔

 رزق کی کمی اور زیادتی دونوں ھی برائی کی طرف لے جاتی ہیں ۔

 دنیا داری نام ہے  اللہ سے غافل ہوجانے کا۔ ضروریات زندگی اور بال بچوں کی پرورش کرنا دنیا داری نہیں۔

مصیبت کو پوشیدہ رکھنا جوانمردی ہے ۔

مطالعہ غم اور اداسی کا بہترین علاج ہے ۔

 اچھی عادات کی مالکہ عورت اگر فقیر کے گھر بھی ہو تو اسے بادشاہ بنا دیتی ہے ۔

 دوست وہ ہے  جو دوست کا ھاتھ پریشان حال و تنگی میں پکڑتا ہے ۔

 بروں کے ساتھ نیکی کرنا ایسا ھی ہے  جیسے نیکوں کے ساتھ برائی کرنا۔

۔ بھوک اور مسکینی میں زندگی گزارنا کسی کمینے کے سامنے دست سوال کرنے سے بہتر ہے ۔

 جو کوئی اپنی کمائی سے روٹی کھاتا ہے  اسے حاتم طائی کا احسان اٹھانا نہیں پڑتا ۔

 سب داناؤں کا اس پر اتفاق ہے  کہ حق شناس کتا ناشکر گزار انسان سے بہتر ہے ۔

 جو شخص اپنے سے زیادہ طاقتور انسان سے زور آزمائی کرتا ہے  وہ اپنے آپ کو تباہ کرنے میں مدد کرتا ہے ۔

 خدا کے دوستوں کی اندھیری رات بھی روز روشن کی طرح چمکتی ہے ۔

 کمزور دشمن اطاعت قبول کرے اور دوست بن جاۓ اسکا مقصد اس کے علاوہ اور کچھ نہیں ہوتا کہ وہ مضبوط دشمن بننا چاھتا ہے ۔

 اے عقل مند ھاتھ دھولے جو دشمنوں کے ساتھ اٹھتا بیٹھتا ہے ۔

 نہ تو اسقدر سختی کر کہ لوگ تجھ سے تنگ آجائیں اور نہ اسقدر نرمی کہ تجھ پر حملہ کر دیں۔

 جو شخص طاقت کے دنوں میں نیکی نہیں کرتا ضعف کے دنوں میں تکلیف اٹھاتا ہے ۔

جو شخص بچپن میں ادب کرنا نہیں سیکھتا بڑی عمر میں اس سے بھلائی کی کوئی امید نہیں۔

 یہ ضروری نہیں کہ جو خوبصورت ہو نیک سیرت بھی ہو گا کیوں کہ کام کی چیز اندر ہوتی ہے  باھر نہیں۔

 جو شخص دشمن سے صلح کرتا ہے  اسے دوستوں کو آزار پہنچانے کا خیال ہے ۔

 آہستہ آہستہ مگر مسلسل چلنا کامیابی کی علامت ہے ۔