قلب صنوبری اور لطیفہ قلب میں فرق
قلب صنوبری (گوشت کا ٹکڑا) اور شے ہے اور وہ قلب جو لطیفہ ہے، دوسری چیز ہے۔ قلب صنوبری جسد ظاہری کا جزو ہے اور وہ قلب جو لطیفہ ہے اس کا تعلق قلب صنوبری سے افاضہ آثار و انوار کا ہے۔
قلب صنوبری
صرف قلب صنوبری میں کوئی سدھ بدھ نہیں ہوتی ، نفس اور خناس کے غلبے یا اپنے سیدھے پن کی وجہ سے غلط فیصلہ بھی دے سکتا ہے۔ قلبِ صنوبری عام اور بےاعتماد ہے۔ قلب صنوبری (گوشت کا لوتھڑا) ہے جو سینے کے بائیں طرف ہے۔یہ قلب حقیقی کا نشیمن ہے
قلب حقیقی
قلب حقیقی جسے لطیفہ قلب اورحقیقت جامعہ بھی کہتے ہیں۔قلب حقیقی(لطیفہ قلب) وہ خفیہ قوت ہے ۔ جو حقائق کا ادراک کرتی ہے ۔ وہ ادراک ، خفیہ ہوتا ہے ۔ جلی ہوتا ہے ۔ بدیہی ہو تا ہے ،(جب اس میں نُورِ ایمانی چمکتا ہے )اور جب وہ نفسی حجابات سے پاک ہوتا ہے تو اس میں علم الٰہی منعکس کرتا ہے ۔۔
فنائے قلب
اللہ تعالی کی عادت جاری ہے کہ جب مرید اپنے قلب کی طرف متوجہ ہوتا ہے تو میدا فیض سے قلب حقیقی کے واسطہ سے اُس کو فیض ہوتا ہے یہ لطیفہ قلب کی مشق کی نوعیت ہے جب یہ مشق کامل ہو جاتی ہے اور فناء قلبی حاصل ہو جاتی ہے تو باقی لطائف کی الگ الگ مشق کرائی جاتی ہے ۔ فنائے لطائف یہی ہے کہ لطائف میں مستغرق ہو جائے اور اس میں تکلف کی ضرورت نہ ہو۔
